ডিজিটেল ডেস্ক : এটা অভাৰত সাতটা ছয় কোবাই এক নতুন অভিলেখ গঢ়িলে মহাৰাষ্ট্ৰৰ অধিনায়ক ৰুতুৰাজ গায়কৱাডে। উল্লেখ্য যে বিজয় হাজাৰে ট্ৰফীৰ কোৱাটাৰ ফাইনেলত উত্তৰ প্ৰদেশৰ সৈতে অনুষ্ঠিত হোৱা খেলত এটা অভাৰত সাতটা ছয় কোবাই লিষ্ট-এ ক্ৰিকেটত প্ৰথম তথা নতুন অভিলেখ গঢ়িলে ৰুতুৰাজে।
আহমেদাবাদৰ নৰেন্দ্ৰ মোডী ষ্টেডিয়াম বি গ্ৰাউণ্ডত উত্তৰ প্ৰদেশৰ বিৰুদ্ধে বিজয় হাজাৰে ট্ৰফীৰ কোৱাৰ্টাৰ ফাইনেল খেলত অ'পেনাৰজনে তেওঁৰ দলৰ হৈ ২২০ ৰান সংগ্ৰহ কৰাৰ লগতে নট আউটেৰে ইনিংছ সামৰে।
ৰুতুৰাজ গায়কৱাডে ইনিংছৰ ৪৯ তম অভাৰত শিৱ সিঙক বলাৰ হিচাপে লৈ অভিলেখ সৃষ্টি কৰিছিল। ন' বলৰ বাবে এইটো সাত বলৰ অভাৰ আছিল। আৰু গোটেইকেইটা বলতেই ছয় মাৰি অভিলেখ গঢ়ে ৰুতুৰাজে।