ক্ষন্তেক সময় পিছতেই আৰম্ভ হ'ব টেষ্ট চেম্পিয়নশ্বিপৰ ফাইনেল, পেচ বলাৰৰ বাবে নিৰ্মাণ কৰা হৈছে পিটছ...

ক্ষন্তেক সময় পিছতেই আৰম্ভ হ'ব টেষ্ট চেম্পিয়নশ্বিপৰ ফাইনেল, পেচ বলাৰৰ বাবে নিৰ্মাণ কৰা হৈছে পিটছ...

ডিজিটেল ডেস্ক : ক্ষন্তেক সময় পাছতেই আৰম্ভ হ'ব ক্ৰিকেট জগতৰ মহাৰণ । পাঁচদিনীয়া কুৰুক্ষেত্ৰ যুদ্ধত অৱতীৰ্ণ হ'বলৈ গৈ আছে ভাৰত-অষ্ট্ৰেলিয়া । লক্ষ্য এটাই, টেষ্ট চেম্পিয়ন হোৱাৰ । কিন্তু চেম্পিয়নশ্বিপৰ পূৰ্বেই ইংলেণ্ডৰ পিটছত ভাৰতীয় দলৰ প্ৰদৰ্শনক লৈ উত্থাপন হৈছিল আশংকাৰ । বেগী পিটছত ভাৰতীয় বেটছমেনৰ দুৰ্বল প্ৰদৰ্শনৰ পূৰ্বৰে পৰাই বদনাম আছে । অষ্ট্ৰেলিয়া, ইংলেণ্ড, দক্ষিণ আফ্ৰিকাৰ পিটছত ভাৰতৰ বহু শক্তিশালী বেটছমেন শূণ্য ৰানতেই পেভিলিয়নমুখী হোৱাৰ উদাহৰণ সুলভ ।

অৱশ্যে ভাৰতৰ আছে পূৰ্বৰ অভিজ্ঞতা । বিগত টেষ্ট চেম্পিয়নশ্বিপৰ ফাইনেল খেলিছিল ভাৰতে । দ্বিতীয় স্থানতেই সন্তুষ্ট হ'লেও ফাইনেলৰ চাপ সহ্য কৰিবলৈ শিকিছে দলটোৱে । তেনেস্থলত তৰুণ খেলুৱৈৰে সমৃদ্ধ দলটোৱে অষ্ট্ৰেলিয়াক প্ৰত্যাহ্বান জনোৱাৰ সম্ভাৱনা অধিক ।

কিন্তু খেল আৰম্ভ হ'বলৈ কিছু মুহুৰ্ত থকা অৱস্থাতেই অ'ভেলৰ পিটছৰ এক আলোকচিত্ৰই খলকনি তুলিছে ক্ৰিকেট জগতত । প্ৰায় ৬ মিলিমিটাৰ দৈৰ্ঘ্যৰ ঘাঁহেৰে আৱৰা অ'ভেলৰ পিটছ । তেনেস্থলত সমগ্ৰ খেলখনৰ প্ৰথম দুটা দিন অন্তত : বেগী বলাৰৰ পক্ষত যে থাকিব সেইয়া নিশ্চিত ।

অৱশ্যে পৰৱৰ্তী সময়ত সলনি হ'ব পাৰে খেলৰ সংজ্ঞা, কিন্তু প্ৰথম দুটা দিনৰ বলিঙে যে সমগ্ৰ খেলখনত এক নিৰ্ণায়ক ভূমিকা গ্ৰহণ কৰিব সি খাটাং । তেনেস্থলত যিটো দলেই টছ জিকিব, সেইটো দলেই জয়ৰ কাষ চাপি যাব টেষ্টৰ আৰম্ভণিতেই ।

ক্ষন্তেক সময় পিছতেই আৰম্ভ হ'ব টেষ্ট চেম্পিয়নশ্বিপৰ ফাইনেল, পেচ বলাৰৰ বাবে নিৰ্মাণ কৰা হৈছে পিটছ...
বিশ্ব টেষ্ট চেম্পিয়নশ্বিপ : অ'ভেলত দুই শক্তিধৰৰ ৰণশিঙা

Related Stories

No stories found.
Code:
logo
Asomiya Pratidin
www.asomiyapratidin.in