ডিজিটেল ডেস্কঃ আইচিচিয়ে ঘোষণা কৰিলে ২০২৩ চনৰ ''সৰ্বশ্ৰেষ্ঠ এদিনীয়া ক্ৰিকেট দল''ৰ। অধিনায়ক ৰোহিত শৰ্মাসহ আইচিচিৰ বৰ্ষশ্রেষ্ঠ এদিনীয়া দলত স্থান লাভ ৬ জনকৈ ভাৰতীয় খেলুৱৈৰ।
দলটোত স্থান পোৱা ভাৰতীয় খেলুৱৈসকল- ৰোহিত শৰ্মা, বিৰাট কোহলি, শুভমন গীল, মহম্মদ ছিৰাজ, মহম্মদ ছামী আৰু কুলদ্বীপ যাদৱ। লগতে আন খেলুৱৈসকল হৈছে অষ্ট্ৰেলিয়াৰ ট্রেভিচ হেড, আদাম জাম্পা, দক্ষিণ আফ্ৰিকাৰ স্থান লাভ কৰা খেলুৱৈ- হেনৰিক ক্লাছেন, মাৰ্ক’ জেনচেন আৰু নিউজিলেণ্ডৰ ডাৰেল মিচেল । এই আটাইকেইজনৰে প্ৰদৰ্শন দুৰ্দান্ত আছিল।
অষ্ট্ৰেলিয়াক বিশ্ব জয়ৰ সোৱাদ দিয়া অষ্ট্ৰেলিয়া ক্ৰিকেট দলৰঅধিনায়ক পেট কামিন্সে প্লেয়িং-১১ত স্থান লাভ নকৰিলে। কিয়নো যোৱা বৰ্ষত তেওঁ বেছি এদিনীয়া ক্ৰিকেট খেলা নাই। তদুপৰি তেওঁৰ প্ৰদৰ্শনো যথেষ্ঠ ভাল নাছিল।
