তিতাবৰত সপ্তম সদৌ অসম ছিনিয়ৰ পেনছাক ছিলাট চেম্পিয়নশ্বিপৰ সামৰণি

ডিজিটেল ডেস্কঃ যোৰহাট জিলাৰ তিতাবৰ ইনড'ৰ ষ্টেডিয়ামত ১১ আৰু ১২ মে'ত অনুষ্ঠিত হয় সপ্তম সদৌ অসম ছিনিয়ৰ পেনছাক ছিলাট চেম্পিয়নশ্বিপ । দুদিনীয়াকৈ আয়োজিত প্ৰতিযোগিতাত অসম পেনচাক ছিলাট এছ'চিয়েচনৰ উপ-সভাপতি মৃদু প্ৰবন জোন, সাধাৰণ সম্পাদক লক্ষ্যজিত দলে, যোৰহাট পেনচাক ছিলাট এছ'চিয়েচনৰ সভাপতি বুবু শইকীয়া, সম্পাদক অঞ্জন শ্যাম, তিতাবৰ মহকুমাৰ মহকুমাধিপতি বিপাংকিতা দত্ত আদি ব্যক্তি উপস্থিত থাকে ।

খেলুৱৈসকলে টেণ্টিং, টুংগাল, ৰেগু, গাণ্ডা কিম্বা ছ'লো আদি বিভাগৰ প্ৰতিযোগিতা আগবঢ়ায় । সদৌ অসম ভিত্তিত আয়োজিত প্ৰতিযোগিতাখনিত ৰাজ্যৰ ৩২ খন জিলাৰ দুই শতাধিক খেলুৱৈয়ে নিজৰ শ্ৰেষ্ঠত্ব উজাৰি দিয়ে ।

বিজয়ী প্ৰতিযোগীসকলক সোণ, ৰূপ, ব্ৰঞ্জ-(i) আৰু ব্ৰঞ্জ-(ii)ৰ পদক আৰু প্ৰমাণপত্ৰ প্ৰদান দান কৰা হয়। লগতে সোণৰ পদকপ্ৰাপ্ত খেলুৱৈসকলক ১০ ৰ পৰা ১৩ জুনলৈ উৰিষ্যাত হ'বলগীয়া ৰাষ্ট্ৰীয় পেনচাক ছিলাট চেম্পিয়নশ্বিপৰ বাবে বাচনি কৰা হয় ।

উল্লেখ্য যে বাচনিভুক্ত খেলুৱৈসকলক ১৫ মে' ৰ পৰা ৫ জুনলৈকে ২০ দিনীয়া প্ৰশিক্ষণ প্ৰদান কৰা হ'ব বুলি অসম পেনচাক ছিলাট এছ'চিয়েচনৰ সাধাৰন সম্পাদক তথা কাৰিকৰী সঞ্চালক লক্ষ্যজিত দলেই জানিবলৈ দিয়ে ।

Also Read: অষ্টম নর্থ-ইষ্ট ভেটার্ন বেডমিন্টন চেম্পিয়নশ্বিপৰ সামৰণি...