Advertisment

পুৱতি নিশা এন জি গুডামত নমাই অজ্ঞাত স্থানলৈ উলিয়াই নিলে ৪০০ ম’হ…

ৰে’লেৰে অবৈধ সামগ্ৰী সৰবৰাহ হোৱাৰ খবৰ বিভিন্ন সময়ত প্ৰকাশ পাই আহিছে। এইবাৰ উত্তৰ প্ৰদেশৰ পৰা অবৈধ ভাৱে ৰে’লেৰে গোনা ম’হ সৰবৰাহ তথ্য ফাদিল কৰিছিল অসমীয়া প্ৰতিদিন ডিজিটেলে।

author-image
Asomiya Pratidin
আপডেট কৰা হৈছে
New Update
পুৱতি নিশা এন জি গুডামত নমাই অজ্ঞাত স্থানলৈ উলিয়াই নিলে ৪০০ ম’হ…

ঘাইপথ অথবা জলপথ নহয়, এইবাৰ অবৈধ ভাৱে পশুধন সৰবৰাহৰ মাধ্যম হৈ পৰিছে ভাৰতীয় ৰে'ল ! মঙ্গলবাৰে ৪০০ ম'হ কঢ়িয়াই অনা এখন ৰে'ল আহি উপস্থিত হৈছিল গুৱাহাটীত। আশ্চৰ্যজনকভাৱে এই ৰে'লখনত কঢ়িয়াই অনা ম'হবোৰৰ নাছিল কোনো গৰাকী। ৰে'ল বিভাগৰ হাততো নাছিল এইসমূহৰ সৰবৰাবৰ কোনো নথি। কোনে আৰু ক'ৰ পৰা আনিছিল এইসমূহ ম'হ? নিশাৰ এন্ধাৰত ক'লৈ লৈ যোৱা হ'ল এই মহখিনিক? কি অৱস্থাত আছে এই ৰে'লখন? এই সন্দৰ্ভত অসমীয়া প্ৰতিদিন ডিজিটেলৰ এক বিশেষ প্ৰতিবেদন।

Advertisment

 

অৱশেষত ওলাল জোলোঙাৰ মেকুৰি। ৰেল যোগে বহু অবৈধ সামগ্ৰী সৰবৰাহ হোৱাৰ খবৰ বিভিন্ন সময়ত প্ৰকাশ পাই আহিছে। এইবাৰ উত্তৰ প্ৰদেশৰ অবৈধ ভাৱে ৰেলেৰে ৪০০ গনা মহ সৰবৰাহ কৰা খবৰ ফাদিল কৰিছিল অসমীয়া প্ৰতিদিন ডিজিটেলে।

মঙলবাৰৰ আবেলি গুৱাহাটীৰ সমীপত উপস্থিত হৈছিলহি ২২৫৯৫৩/C নম্বৰৰ মালবাহী ৰেলখন। সেই ৰেলখনত অবৈধভাৱে ৪০০ মহ সৰবৰাহৰ খবৰ লাভ কৰাৰ পাছত ৰেলখনৰ শেহতীয়া স্থিতি জানিবলৈ অসমীয়া প্ৰতিদিন ডিজিটেলে যোগাযোগ কৰিছিল ৰেল কৰ্তৃপক্ষৰ সৈতে।

সাধাৰণতে ৰেলৰ গতিবিধি অনলাইন ট্ৰেকিঙৰ জৰিয়তে উপলব্ধ হয় যদিও এই ৰেলখনৰ গতিবিধি অনলাইন ট্ৰেকিঙৰ জৰিয়তে চাব পৰা কোনো ব্যৱস্থা নাছিল। সন্ধিয়া প্ৰায় ৫ বজাত উক্ত ৰেলখন উপস্থিত হৈছিলহি বিজি য়াৰ্ডত। তাৰ পাছতেই দেখা পোৱা গৈছিল সেই ৰেলখনৰ ৩০ টাৰো অধিক ডবাত কঢ়িয়াই অনা হৈছিল ৪০০ অধিক ম'হ।

পুৱতি নিশা এন জি গুডামত নমাই অজ্ঞাত স্থানলৈ উলিয়াই নিলে ৪০০ ম’হ…

সংবাদ মাধ্যমৰ উপস্থিতিয়ে সেই সময়ত বিবোধিত পেলাইছিল ৰেল কৰ্তৃপক্ষকো। দেখা পোৱা গৈছিল প্ৰতিটো ডবাত ১৮ ৰ পৰা ২০ টাকৈ মহ আছিল। ৰেল কৰ্তৃপক্ষই সেই মহৰ গৰাকী কোন তাৰ কোনো সুউত্তৰ দিব পৰা নাছিল।

পৰৱৰ্তী সময়ত ৰেলৱে সুৰক্ষা বাহিনীয়ে ঘেৰি ধৰিছিল ৰেলখন। ডবাসমূহত মহবোৰৰ বাবে কিছু খাদ্য আৰু মহ বোৰক যত্ন লবলৈ দুজনকৈ সাধাৰণ বনুৱা আছিল যদিও নাছিল তাত চিকিৎসক বা আন চৰকাৰী কৰ্তৃপক্ষৰ লোক। সংবাদ মাধ্যমক সেই স্থানৰ পৰা আঁতৰি যোৱালৈ বাট চাইছিল ৰেল কৰ্তৃপক্ষই।

ইতিমধ্যে বাহিৰত নাগালেণ্ডত পঞ্জীয়নকে ধৰি বহু সংখ্যক বাহন সাজু কৰি থোৱা হৈছিল। সংবাদ মাধ্যমৰ উপস্থিতিৰ বাবে ৰেলসমূহৰ পৰা নমোৱা নাছিল এই অবৈধভাৱে সৰবৰাহ কৰা মহবোৰ।

পুৱতি নিশা এন জি গুডামত নমাই অজ্ঞাত স্থানলৈ উলিয়াই নিলে ৪০০ ম’হ…

কোনো চৰকাৰী নথি বা কোনে মহসমূহ সৰবৰাহ কৰিছে সেই তথ্যও দিব পৰা নাছিল ৰেলৱে কৰ্তৃপক্ষই। জানিব পৰা মতে পি এম এছ এণ্টাৰপ্ৰাইজ নামৰ এটা প্ৰতিষ্ঠানৰ নামত জনৈক মুছাৰফ নামৰ লোকজনে এই মহবোৰ সৰবৰাহ কৰিছিল। নিশা ২ বজাৰ পাছত সংবাদ মাধ্যমৰ লোক আঁতৰি যোৱাৰ পাছত ৰেলসমূহৰ পৰা মহবোৰ গাড়ীত উঠোৱাৰ পৰ্ব আৰম্ভ কৰিছিল এই চক্ৰটোৱে।

প্ৰথমে ৰেলখন বিজি য়াৰ্ডত আছিল যদিও পৰৱৰ্তী সময়ত পুৱতি নিশা অসম জাতীয় বিদ্যালয়ৰ সমীপতে এন জি গুডামলৈ লৈ যোৱা হৈছিল। তাতেই ৰেলসমূহৰ পৰা এই মতা মহবোৰ নমাই ট্ৰাকত উঠাই সেইবোৰ অজ্ঞাত স্থানলৈ লৈ যোৱা হয়।

পুৱতি নিশা এন জি গুডামত নমাই অজ্ঞাত স্থানলৈ উলিয়াই নিলে ৪০০ ম’হ…

স্থানীয় প্ৰত্যক্ষদৰ্শীয়ে জনোৱা মতে নিশা চাৰি বজাৰ পৰা এই ট্ৰাকসমূহত মহবোৰ উক্ত স্থানৰ পৰা লৈ যোৱাৰ পৰ্ব আৰম্ভ হৈছিল। ইফালে সংবাদ মাধ্যমত এই অবৈধ মহ সৰবৰাহৰ সবিস্তাৰ খবৰ আৰু দৃশ্য প্ৰচাৰ হোৱাৰ পাছতো কোনো ব্যৱস্থা গ্ৰহণ নকৰিলে গুৱাহাটীৰ প্ৰশাসন তথা চৰকাৰে।

অনুমান কৰা হৈছে মেঘালয়ৰ মাজেৰে এই মহবোৰ অবৈধভাৱে বাংলাদেশলৈ চালান দিয়া হব। পুৱতি নিশা নিউ গুৱাহাটীৰ পৰা এনেদৰে মহ সৰবৰাহৰ ঘটনাই তীব্ৰ চাঞ্চল্য সৃষ্টি কৰিছে। উল্লেখযোগ্য যে, এই মহবোৰ ফাৰুকাবাদৰ পৰা অনা হৈছিল। এনেদৰে প্ৰায়ে পশুধন ৰেল যোগে অতি সংগোপনে সৰবৰাহ হৈ আহিছে।

এইদৰে সৰবৰাহ কৰা এনে একোটা মহৰ মূল্য ২ লাখৰো অধিক হব। সেই হিচাপত মঙ্গলবাৰে ৰেল যোগে সৰবৰাহ কৰা মহখিনিৰ মুঠ মূল্য ৮ ৰ পৰা ১০ কোটিৰ কম নহব। এই মহবোৰ সৰবৰাহ কৰা ২২৫৯৫৩/C নম্বৰৰ ৰেলখন পুৱাৰ ভাগত  এন জি গুডামত পৰিস্কাৰ কৰি থকা পৰিলক্ষিত হৈছে।

পুৱতি নিশা এন জি গুডামত নমাই অজ্ঞাত স্থানলৈ উলিয়াই নিলে ৪০০ ম’হ…

 

ভাৰতীয় ৰে'লৱে অবৈধ সৰবৰাহ