ডিজিটেল ডেস্কঃ শুকুৰবাৰে স্বাস্থ্য মন্ত্ৰণালয়ে জনোৱা অনুসৰি বিকশিত ভাৰত সংকল্প যাত্রা এতিয়ালৈকে ১ লাখৰো অধিক গাঁও পঞ্চায়তত উপনীত হৈছে। এই সংকল্প যাত্ৰাত মুঠ অংশগ্ৰহণকাৰীৰ সংখ্যা ২ কোটিতকৈও অধিক হৈছেগৈ। এই যাত্ৰাৰ অধীনত ৮.৫ লাখতকৈ অধিক লোকক ছিকেল চেল ৰোগৰ পৰীক্ষা কৰা হৈছে আৰু ২৭,৬৩০তকৈ অধিক লোকক উচ্চ জনস্বাস্থ্য সুবিধালৈ প্ৰেৰণ কৰা হৈছে।
স্বাস্থ্য মন্ত্রালয়ে জনোৱা মতে, বিকশিত ভাৰত সংকল্প যাত্ৰাৰ অধীনত এতিয়ালৈকে ১,০৮,৫০০ গাঁও পঞ্চায়ত আৰু নগৰীয়া স্থানীয় সংস্থাসমূহত পদযাত্ৰীৰ সংখ্যা ২,১০,২৪,৮৭৪ হৈছেগৈ। আয়ুষ্মান ভাৰত – প্রধানমন্ত্রী জন আৰোগ্য যোজনাৰ অধীনত বিকশিত ভাৰত সংকল্প যাত্ৰাৰ বাবে আয়ুষ্মান এপ ব্যৱহাৰ কৰি আয়ুষ্মান কার্ড প্ৰস্তুত কৰা হৈছে।
হিতাধিকাৰীক কার্ড বিতৰণ কৰা হৈছে। ৪৪ দিনৰ শেষলৈকে ৩২,৫৪,৬১১ খনতকৈও অধিক কার্ড বিতৰণ কৰা হয়। ৰাষ্ট্ৰীয় ঘাইপথৰ পৰা পোৱা তথ্য অনুসৰি যিকেইখন জিলাত এই কার্যসূচী আয়োজন কৰা হৈছে তাত এতিয়ালৈকে ১,৪৪,৮০,৪৯৮খন কার্ড প্রস্তুত কৰা হৈছে।
মন্ত্ৰালয়ৰ তথ্য অনুসৰি এই পর্যন্ত ৮০,০১,৮২৫ তকৈ অধিক লোকৰ টিবি ৰোগীৰ লক্ষণ পৰীক্ষা কৰা হৈছে। ইয়াৰে ৪,৮৬,০৪৩ তকৈ অধিক লোকক উচ্চ জনস্বাস্থ্য সুবিধালৈ প্ৰেৰণ কৰা হৈছে।
এই পর্যন্ত ৪৪ সংখ্যক দিনত পিএমটিবিএমএৰ অধীনত ১,৪০,৮৫২ তকৈ অধিক ৰোগীয়ে সন্মতি প্ৰদান কৰাৰ লগতে ৫০,৭৯৯ তকৈ অধিক নতুন নিক্ষয় মিত্ৰৰ পঞ্জীয়ন হৈছে। এই পর্যন্ত ৮,৫১,১৯৪ জনতকৈ অধিক লোকৰ টেষ্ট কৰা হৈছে, ইয়াৰে ২৭, ৬৩০ জন পজিটিভ ধৰা পৰিছে।
