ডিজিটেল ডেস্কঃ যি দেশত নাৰীক মাতৃ জ্ঞান কৰা হয় সেই দেশতে নাৰীৰ মূৰত কৰিলে প্ৰস্ৰাৱ। দেশবাসীৰ ওচৰত ৰেল বিভাগৰ কৰ্মচাৰীয়ে লজ্জানত কৰিলে ভাৰতীয় ৰেল সেৱাক।
এই ঘটনা সংঘটিত হৈছে অমৃতসৰ-কলকতা অভিমুখী এখন ৰে’লত। মহিলা যাত্ৰীৰ ওপৰত প্ৰস্ৰাৱ কৰি বহিষ্কৃত হৈছে ৰে’ল কৰ্মচাৰী ৷ এনে লজ্জাজনক ঘটনাৰ বাতৰি পোহৰলৈ অহাৰ লগে লগেই ৰে'লমন্ত্ৰী অশ্বিনী বৈষ্ণৱৰ নিৰ্দেশত বহিষ্কৃত হৈছে অভিযুক্ত টি টি মুন্না কুমাৰ ৷
উল্লেখ্য যে, অভিযোগ অনুসৰি মুন্নাই সুৰাসক্ত অৱস্থাত প্ৰস্ৰাৱ কৰিছিল এগৰাকী মহিলা যাত্ৰীৰ শৰীৰত ৷ এই ঘটনা সংঘটিত হৈছিল অমৃতসৰৰ পৰা কলকাতালৈ যোৱা এখন এক্সপ্ৰেছত য'ত ভুক্তভোগী যাত্ৰীগৰাকী আৰু তেওঁৰ স্বামীয়ে যাত্ৰা কৰিছিল ।
এই ঘটনা সংঘটিত হয় ১২ মাৰ্চ, দেওবাৰে নিশা প্ৰায় ১২ বজাত । সমগ্ৰ ঘটনা পোহৰলৈ অহাৰ পিছতেই লক্ষ্ণৌ জি আৰ পিয়ে অভিযুক্ত টিটিই মুন্না কুমাৰক গ্ৰেপ্তাৰ কৰে ৷
