/asomiyapratidin/media/post_attachments/asomiyapratidin/2024-03/77b94295-4df7-4eb3-b137-d05cc506793e/AP_FOR_WEB_sela.jpg)
ডিজিটেল ডেস্কঃ আজি মাননীয় প্ৰধানমন্ত্ৰী নৰেন্দ্ৰ মোডীয়ে ইটানগৰৰ পৰা ভাৰ্চুৱেলী ছেলা সুৰংগ প্ৰকল্পৰ উদ্বোধন কৰে। ৮২৫ কোটি টকা ব্যয়সাপেক্ষে তেজপুৰৰ পৰা টাৱাং সংযোগী পথত পশ্চিম কামেং জিলাত ১৩,৭০০ ফুট উচ্চতাত নিৰ্মাণ কৰা হৈছে ছেলা সুৰংগ। ইয়াৰ আধাৰশিলা ২০১৯ চনৰ ফেব্ৰুৱাৰী মাহত প্ৰধানমন্ত্ৰী মোডীয়ে স্থাপন কৰিছিল।
উল্লেখযোগ্য যে ছেলা সুৰংগটো ক্ৰমে ১০০৩ মিটাৰ আৰু ১৫৯৫ মিটাৰ দৈৰ্ঘ্যৰ দুটা সুৰংগৰে গঠিত । ৮.৬ কিলোমিটাৰ এপ্ৰ’চ আৰু লিংক ৰোড ৮২৫ কোটি টকা ব্যয়েৰে নিৰ্মাণ কৰা হৈছে। দ্বিতীয় সুৰংগটোত আন্তঃৰাষ্ট্ৰীয় নীতি অনুসৰি মূল সুৰংগটোৰ কাষতে এটা পৃথক সুৰংগ পথ আছে। মূল নলীৰ সমান্তৰালভাৱে নিৰ্মিত এস্কেপ টিউবটো প্ৰতি ৫০০ মিটাৰৰ পিছত মূল সুৰংগৰ সৈতে সংযুক্ত কৰা হৈছে। জৰুৰীকালীন অৱস্থাত এই পৃথক সুৰংগ পথৰ সহায়ত উদ্ধাৰকাৰী বাহন স্থানান্তৰ আৰু আৱদ্ধ লোকক উদ্ধাৰৰ বাবে ব্যৱহাৰ কৰা হব। গতিবেগ প্ৰতি ঘণ্টাত ৮০ কিলোমিটাৰে প্ৰতিদিনে ৩০০০ গাড়ী আৰু ২০০০ ট্ৰাক চলাতল কৰিব পৰাকৈ এই সুৰংগটোৰ নিৰ্মাণ কৰা হৈছে ।
/asomiyapratidin/media/post_attachments/asomiyapratidin/2024-03/6eeddd35-6a4e-416c-9a41-eaf2348017c9/WhatsApp_Image_2024_03_09_at_4_21_14_PM__1_.jpeg)
ছেলা সুৰংগে টাৱাং আৰু চেলাৰ শীৰ্ষক বাইপাছ কৰি আগলৈ যোৱা অঞ্চলসমূহলৈ যাতায়াত ব্যৱস্থা সুচল কৰিব । ইয়াৰোপৰি সৈন্য আৰু যোগানৰ মসৃণ গতিবিধি দ্ৰুত কৰাই নহয়, অঞ্চলটোৰ প্ৰতিৰক্ষা ক্ষমতাকো শক্তিশালী কৰিব। ছেলা সুৰংগই টাৱাং অঞ্চলৰ অৰ্থনৈতিক সমৃদ্ধিৰ নতুন যুগৰ সূচনা কৰাৰ লগতে বাণিজ্য, পৰ্যটন, নিয়োগ আৰু সামগ্ৰিক উন্নয়নক লাভান্বিত কৰিব। এই সুৰংগ ব্যৱস্থাই যাত্ৰাৰ দূৰত্ব আঠ কিলোমিটাৰতকৈ অধিক আৰু যাত্ৰাৰ সময় এঘণ্টা হ্ৰাস কৰিব।
/asomiyapratidin/media/post_attachments/asomiyapratidin/2024-03/e76890de-c708-4447-868c-7e2f34706977/WhatsApp_Image_2024_03_09_at_4_21_15_PM__1_.jpeg)
এই সুৰংগটো নিউ অষ্ট্ৰিয়ান টানেলিং মেথড (NATM) ব্যৱহাৰ কৰি নিৰ্মাণ কৰা হৈছে । এই প্ৰকল্পটোৰ নিষ্পাদনত ৯০ লাখ ঘণ্টাৰো অধিক সময় লাগিছিল আৰু যোৱা পাঁচ বছৰ ধৰি প্ৰতিদিনে গড়ে প্ৰায় ৬৫০ জন কৰ্মী আৰু শ্ৰমিকে কাম কৰিছিল। নিৰ্মাণৰ বাবে ব্যৱহাৰ হৈছিল ৭১ হাজাৰ মেট্ৰিক টন চিমেণ্ট, ৫০০০ মেট্ৰিক টন তীখা আৰু ৮০০ মেট্ৰিক টন বিস্ফোৰক পদাৰ্থৰ। এই সুৰংগ নিৰ্মাণৰ বাবে মুঠ ১৬২টা উদ্যোগ আৰু যন্ত্ৰপাতিৰ ব্যৱহাৰ কৰা হৈছিল।
/asomiyapratidin/media/post_attachments/asomiyapratidin/2024-03/20f877ef-c270-4b97-a0a0-a4997b17a271/WhatsApp_Image_2024_03_09_at_4_21_13_PM.jpeg)
এই সুৰংগ অৰুণাচল প্ৰদেশৰ বাবেই গুৰুত্বপূৰ্ণ নহয়, ভাৰতীয় সেনাৰ বাবেও ই অতি গুৰুত্বপূৰ্ণ বুলি প্ৰমাণিত হ’ব। এই সুৰংগৰ জৰিয়তে চীন সীমান্তত সেনাৰ চলাচল দ্ৰুত হ’ব আৰু চীনৰ সৈতে ভাৰতৰ প্ৰৱেশ আৰু সহজ হৈ পৰিব। ভাৰতৰ অবিচ্ছেদ্য অংগ অৰুণাচলক চীনৰ পৰা সুৰক্ষা প্ৰদানৰ দিশত ছেলা সুৰংগই নিৰ্ণায়ক ভূমিকা পালন কৰিব।
Also Read: বাংগালুৰুৰ বিস্ফোৰণ কাণ্ড : নিয়াই ৰাজহুৱা কৰিলে সন্দেহজনক দুজনৰ ফটো