সফলতাৰে সম্পন্ন বিত্ত মন্ত্ৰণালয়ৰ 'NUDGE' অভিযান...

ডিজিটেল ডেস্কঃ বিত্তমন্ত্ৰী নিৰ্মলা সীতাৰমণে মঙলবাৰে কয় যে ৩০ হাজাৰৰো অধিক কৰদাতাই আই টি ৰিটাৰ্ণ সংশোধন কৰিছে বা পলমকৈ ৰিটাৰ্ণ দাখিল কৰিছে। তাৰোপৰি অতিৰিক্ত বিদেশী সম্পত্তি প্ৰায় ৩০,৩০০ কোটি টকা আয় ঘোষণা কৰিছে। 

তেওঁ কয়, "আমি এটা ''nudge'' অভিযান চলাইছিলো য'ত আমি কৰদাতাসকলক স্বেচ্ছাই তেওঁলোকৰ বিদেশী আয় আৰু সম্পত্তি প্ৰকাশ কৰিবলৈ দিছিলো। প্ৰায় ১৯,৫০১ জন নিৰ্বাচিত কৰদাতাক এছ এম এছ আৰু ই-মেইল প্ৰেৰণ কৰা হৈছিল।

য'ত তেওঁলোকক ২০২৪-২৫ চনৰ বাবে দাখিল কৰা আয়কৰ ৰিটাৰ্ণসমূহ বিদেশী জমা আদিৰ আয়কৰ লাভ কৰা তথ্যৰ ভিত্তিত পৰ্যালোচনা কৰিবলৈ কোৱা হৈছিল। এই অভিযানৰ ফলত ১৯,৫০১ জন কৰদাতাৰ ভিতৰত মুঠ ১১,১৬২ জন কৰদাতাই নিজৰ ৰিটাৰ্ণ সংশোধন কৰি বিদেশী সম্পত্তি প্ৰ-পত্ৰ পূৰণ কৰি ১৫৪.৪২ কোটি টকাৰ বিদেশী আয় প্ৰকাশ কৰি মুঠ সম্পত্তি ১১,২৫৯.২৯ কোটি টকা ঘোষণা কৰে বুলিও কয়।

তাৰোপৰি তেওঁ কয় যে ২০২৪-২৫ চনৰ সংশোধিত ৰিটাৰ্ণত ৮৮৩ জন কৰদাতাই নিজৰ আই টি আৰ সংশোধন কৰি আৱাসীৰ পৰা অনাবাসীলৈ নিজৰ মৰ্যাদা সংশোধন কৰিছে। অতিৰিক্ত ১৩,৫১৬ জন কৰদাতাই ২০২৪-২৫ চনৰ বাবে তেওঁলোকৰ সংশোধিত আই টি আৰত ৭,৫৬৪ কোটি টকাৰ বিদেশী সম্পত্তি আৰু প্ৰায় ৩৫৩ কোটি টকাৰ বিদেশী আয় ঘোষণা কৰিছে।

তেওঁ পুনৰ কয়, ৩০,১৬১ জন কৰদাতাই তফছিল এফ এ (বিদেশী সম্পত্তি)ত ২৯,২০৮ কোটি টকাৰ বিদেশী সম্পত্তি আৰু ১,০৮৯ কোটি টকা (৩০,২৯৭ কোটি টকা) বিদেশী আয় ঘোষণা কৰে।