ভাৰতৰ যুৱ শক্তিত ভৰসা নিপ্পন পেইণ্টৰ: নতুন বিনিয়োগ আৰু নিয়োগ বৃদ্ধি কৰাৰ পৰিকল্পনা...

ডিজিটেল ডেস্কঃ জাপানী কোম্পানী নিপ্পন পেইণ্টে ভাৰতৰ ‘যুৱ শক্তি’ক মূল শক্তি হিচাপে গণ্য কৰি দেশখনত নতুন বিনিয়োগ আৰু নিয়োগ বৃদ্ধি কৰাৰ পৰিকল্পনা কৰিছে। ভাৰতত কোম্পানীটোৰ বৰ্তমান ব্যৱসায় প্ৰায় ৪০০ মিলিয়ন ডলাৰ, আৰু আগন্তুক দিনত স্থানীয় কাৰ্যকলাপৰ বৃদ্ধিৰ লগতে ৰপ্তানিমুখী উৎপাদন বৃদ্ধি কৰিবলৈ পৰিকল্পনা গ্ৰহণ কৰিছে।

এই সন্দৰ্ভত ভাৰতত  অপাৰ সম্ভাৱনা আছে বুলি নিপ্পন পেইণ্ট হ’ল্ডিংছৰ কো-প্ৰেছিডেণ্ট তথা NIPSEA গ্ৰুপৰ চিইঅ’ উই চিউ কিমে উল্লেখ কৰি কয় যে, "ভাৰতত জনসংখ্যাৰ বয়সজনিত সুবিধা আছে। বহুত দেশ বৃদ্ধ হৈ পৰিছে, কিন্তু ভাৰত এতিয়াও তৰুণ হৈ আছে। ভাৰত নগৰায়ণৰ পথত, ইয়াৰ GDP বৃদ্ধি পাই আছে। সেই বাবে, আমাৰ বাবে ভাৰত এক গুৰুত্বপূৰ্ণ বজাৰ।"

নিপ্পন পেইণ্টৰ ভাৰতত বিস্তাৰ আৰু  প্ৰস্তুতি

নিপ্পন পেইণ্টে ২০০৬ চনত ভাৰতত কাৰ্যকলাপ আৰম্ভ কৰিছিল, আৰু বৰ্তমান চাৰিটা প্ৰধান দিশত কাম কৰি আছে—
1.    অ’টো ৰিফিনিছ (Auto Refinish)
2.    ডেক’ৰেটিভ (Decorative)
3.    ইণ্ডাষ্ট্রিয়েল (Industrial)
4.    অট’ম’টিভ পেইণ্ট (Berger Paintsৰ সৈতে যৌথ উদ্যোগ)

কিমে কয় যে  তেওঁলোকৰ এই চাৰিওটা ক্ষেত্ৰতে উন্নতি ঘটিছে, কিন্তু ডেক’ৰেটিভ পেইণ্ট খণ্ডত বিশেষভাৱে কিছু সমস্যাৰ সন্মুখীন হ’ব লগা হৈছে। নিপ্পন পেইণ্ট ভাৰততে বিভিন্ন ধৰণৰ পেইণ্ট উৎপাদন কৰে আৰু তাৰ উল্লেখযোগ্য অংশ ৰপ্তানি কৰা হয়। কয়েল কোটিং (Coil Coating) আৰু অ’টো ৰিফিনিছ একেলগে ৰপ্তানি কৰা হয় বুলিও তেওঁ জনাইছে। 

কোম্পানীটোক ভাৰতত নেতৃত্ব দিছে ভাৰতীয়ই

নিপ্পন পেইণ্টৰ বিশ্বব্যাপী অ’টো ৰিফিনিছ বিভাগ ভাৰতৰ শৰদ মালহোত্ৰাৰ নেতৃত্বত আছে। অৰ্থাৎ সকলো বিশ্বব্যাপী অ’টো ৰিফিনিছ উদ্যোগ ভাৰতৰ পৰা পৰিচালিত হয়।

তেওঁ আৰু কয়, "কয়েল কোটিং বিভাগো ভাৰতৰ নেতৃত্বত আছে। এইটো ইস্পাত উদ্যোগৰ বাবে গুৰুত্বপূৰ্ণ, আৰু ভাৰতীয় দলটোৱে বিশ্বজুৰি ইয়াক নিয়ন্ত্ৰণ কৰে।"

তেওঁ জনোৱা মতে বিশ্বব্যাপী,অ’টো ৰিফিনিশ বিভাগৰ ব্যৱসায় ২৫০-২৭০ মিলিয়ন ডলাৰ। তাৰোপৰি কয়েল কোটিং ব্যৱসায় ১৮০ মিলিয়ন ডলাৰ আৰু জাপানৰ ব্যৱসায়ৰ সৈতে একাকাৰ কৰিলে ই হয় ৩০০ ৰ পৰা ৪০০ মিলিয়ন ডলাৰ। 
তেওঁ কয়, ভাৰতীয় নেতৃত্বই এই উদ্যোগবোৰক পৰিচালনা কৰে আৰু ব্যৱসায়িক বা প্রযুক্তিগত কৌশলসমূহ ঠিৰাং কৰে।

অৰ্গেনিক (Organic) আৰু অধিগ্ৰহণ (M&A)ৰ যোগেদি বৃদ্ধি

নিপ্পন পেইণ্ট প্ৰাকৃতিকভাৱে (Organic Growth) আৰু একত্ৰিকৰণ আৰু অধিগ্ৰহণ (Mergers & Acquisitions - M&A)ৰ জৰিয়তে উন্নয়নৰ লক্ষ্য ৰাখিছে।কিমে কয়, "অৰ্গেনিক বৃদ্ধিৰ ক্ষেত্ৰত, আমি নতুন  উদ্যোগ (factory) আৰু উৎপাদন বৃদ্ধি কৰিম। তাৰোপৰি, আমি স্থানীয় ভাৰতীয় কোম্পানী অধিগ্ৰহণ কৰিছোঁ, যিয়ে আমাক নতুন খণ্ডত প্ৰৱেশ কৰিবলৈ সহায় কৰিছে।"

ইতিমধ্যে এটা স্থানীয় ভাৰতীয় কোম্পানী অধিগ্ৰহণ কৰি  ৰে’লৱে খণ্ডত প্ৰৱেশ কৰিবলৈ সক্ষম হোৱা বুলিও কিমে জানিবলৈ দিছে।

বিশ্বব্যাপী বিস্তাৰৰ লক্ষ্য

নিপ্পন পেইণ্ট হ’ল্ডিংছ টকিঅ’ ষ্টক এক্সচেঞ্জত তালিকাভুক্ত আৰু কোম্পানীটোৱে "এছেট এছেম্বলাৰ ষ্ট্ৰেটেজি (Asset Assembler Strategy)" আঁকোৱালি লৈছে। কিমে কয়, "আমাৰ লক্ষ্য হৈছে জাপানৰ নিম্ন সুদৰ সুবিধা লোৱা আৰু সেই ধনৰ সহায়ত বৈশ্বিক ব্যৱসায় বঢ়োৱা।"

নিপ্পন পেইণ্টে ভাৰতৰ যুৱশক্তি, নগৰায়ণ আৰু অৰ্থনৈতিক বৃদ্ধিক মূল শক্তি হিচাপে বিবেচনা কৰি, দেশখনত নতুন বিনিয়োগ, ব্যৱসায়িক বিস্তাৰ আৰু নেতৃত্ব গঠনৰ ক্ষেত্ৰত বিশেষ গুৰুত্ব দিছে। কোম্পানীটোৱে স্থানীয় কোম্পানী অধিগ্ৰহণ, নতুন উদ্যোগ স্থাপন আৰু নিয়োগ বৃদ্ধি কৰি ভাৰতত নিজৰ উপস্থিতি অধিক শক্তিশালী কৰাৰ লক্ষ্য লৈছে।