২০২৪ ত মিউচুৱেল ফাণ্ডৰ শ্বেয়াৰ ক্ৰয় দুগুণলৈ বৃদ্ধি...

ডিজিটেল ডেস্কঃ ২০২৪ ত মিউচুৱেল ফাণ্ডৰ শ্বেয়াৰ ক্ৰয়ৰ পৰিমাণ ৪ ট্ৰিলিয়ন অতিক্ৰম কৰিছে। মিউচুৱেল ফাণ্ডে প্ৰথমবাৰৰ বাবে এই বৃহৎ পৰিমাণত উপনীত হৈছে।

যোৱা দুবছৰত মিউচুৱেল ফাণ্ডত ১.৫ ট্ৰিলিয়নতকৈ অধিক বিনিয়োগ হোৱাৰ বাবে এই সফলতা লাভ কৰিবলৈ সক্ষম হৈছে। মিউচুৱেল ফাণ্ড যোৱা তিনি বছৰত শ্বেয়াৰ বজাৰত সৰ্ববৃহৎ প্ৰতিষ্ঠানগত ক্ৰেতা হৈ পৰিছে।  বিশেষকৈ ২০২২ আৰু ২০২৪ চনত।

২০২৩ চনত মিউচুৱেল ফাণ্ড বিদেশী প্ৰতিষ্ঠানগত বিনিয়োগকাৰী (FII) তকৈ কিছু পিছপৰি আছিল। কিন্তু ২০২৪ চনত মিউচুৱেল ফাণ্ড পুনৰ শীৰ্ষলৈ আহিবলৈ সক্ষম হৈছে।

মিউচুৱেল ফাণ্ডৰ শ্বেয়াৰ ক্ৰয়ৰ এই দ্ৰুত বৃদ্ধি মুখ্যতঃ ইকুইটি আৰু হাইব্ৰিড এম এফ আঁচনিৰ ৰেকৰ্ড প্ৰবাহৰ বাবে সম্ভৱ হৈছে। নিয়মীয়া প্ৰণালীবদ্ধ বিনিয়োগ আঁচনি (SIP) প্ৰবাহে মিউচুৱেল ফাণ্ডৰ ক্ৰয় ক্ষমতা বৃদ্ধি কৰাত সহায় কৰিছে।

নৱেম্বৰ ২০২৪ লৈকে, সক্ৰিয় ইকুইটি আঁচনিবোৰে বিনিয়োগকাৰীসকলৰ পৰা ০.৫ ট্ৰিলিয়ন সংগ্ৰহ কৰিছে। মিউচুৱেল ফাণ্ডৰ ইকুইটি ক্ৰয়ৰ এই বৃদ্ধিয়ে বিদেশী পৰ্টফলিঅ' বিনিয়োগকাৰী (FPI) বিক্ৰী কৰাৰ সময়ত বজাৰক শক্তিশালী সমৰ্থন প্ৰদান কৰিছে।

"ঘৰুৱা প্ৰতিষ্ঠানগত বিনিয়োগকাৰী (DII) শ্বেয়াৰ বজাৰত শক্তিশালী ক্ৰেতা। আনহাতে বিদেশী পৰ্টফলিঅ' বিনিয়োগকাৰীসকল ক্ষুদ্ৰ মুঠ ক্ৰেতা। ২০২৪ চনৰ অক্টোবৰত মিউচুৱেল ফাণ্ডৰ মাহিলী SIP প্ৰবাহে ২৫,০০০ কোটি টকা অতিক্ৰম কৰিছে বুলি মীৰা এছেট মিউচুৱেল ফাণ্ডে এক প্ৰতিবেদনত উল্লেখ কৰিছে।