ডিজিটেল ডেস্কঃ নিউয়ৰ্ক-নতুন দিল্লী আমেৰিকান এয়াৰলাইনছৰ এখন বিমানত এজন ভাৰতীয় ব্যক্তিয়ে সুৰাপান কৰি আন এজন যাত্ৰীৰ সৈতে কাজিয়াত লিপ্ত হৈ গাতে প্ৰস্বাৱ কৰি দিয়াৰ বাতৰি প্ৰকাশ পাইছিল । ঘটনাটো সংঘটিত হৈছিল দেওবাৰে ।
এই সন্দৰ্ভত দেশৰ বিমান নিয়ন্ত্ৰক ডিজিচিএয়ে কয় যে ঘটনা সন্দৰ্ভত এখন এজাহাৰ দাখিল কৰা হৈছিল । অসামৰিক বিমান পৰিবহন আইনৰ অপৰাধৰ অধীনত, যাত্ৰীজনৰ বিষয়ে এয়াৰলাইনৰ কৰ্মচাৰীসকলে অভিযোগ দিছিল । ইয়াৰ পিছতেই অভিযুক্ত ভাৰতীয় যাত্ৰীগৰাকীক সোমবাৰে গ্ৰেপ্তাৰ কৰা হৈছে ।
ঘটনা সন্দৰ্ভত বিমান মন্ত্ৰী সিন্ধিয়াই ঘটনা সন্দৰ্ভত উচিত তদন্তৰ আশ্বাস প্ৰদান কৰিছে । এই ঘটনা আমেৰিকান এয়াৰলাইনছৰ বিমান এ এ ২৯২ত সংঘটিত হৈছিল ।
২৩ এপ্ৰিলৰ নিশা প্ৰায় ৯ বজাত বিমানখন ইন্দিৰা গান্ধী আন্তঃৰাষ্ট্ৰীয় (আইজিআই) বিমানবন্দৰত অৱতৰণ কৰাৰ পিছতেই চিআইএছএফে অভিযুক্ত যাত্ৰীজনক গ্ৰেপ্তাৰ কৰিছিল । আৰু অভিযুক্ত আৰু অভিযোগকাৰী দুয়োজন যাত্ৰীকে দিল্লী আৰক্ষীৰ ওচৰত গটাই দিয়ে ।
