আন এক বৃহৎ সফলতাৰ দিশে অগ্ৰসৰ ভাৰত...

ডিজিটেল ডেস্কঃ পুনৰ পিছুৱাই দিয়া হ'ল ভাৰতীয় মহাকাশ গৱেষণা প্ৰতিষ্ঠান ইছৰোৰ বহু প্ৰতীক্ষিত অভিযান 'চন্দ্ৰযান-৩' ৰ উৎক্ষেপণৰ দিন। ১৩ ৰ পৰিৱৰ্তে ১৪ জুলাইতহে উৎক্ষেপণ কৰা হ'ব 'চন্দ্ৰযান-৩'।

১৪ জুলাইৰ দিনৰ ২ বাজি ৩৫ মিনিটত এই উৎক্ষেপণ হ'ব। উল্লেখ্য যে, ইয়াৰ পূৰ্বে 'চন্দ্ৰযান-৩' ৰ উৎক্ষেপণ পিছুৱাই দিয়া হৈছিল। প্ৰথমে 'চন্দ্ৰযান-৩' ৰ উৎক্ষেপণ ১২ জুলাই নিৰ্ধাৰণ কৰা হৈছিল।

পৰৱৰ্তী সময়ত এদিন পিছুৱাই ১২ ৰ পৰিৱৰ্তে ১৩ জুলাই নিৰ্ধাৰণ কৰা হয়। বৃহস্পতিবাৰে পুনৰ সেই তাৰিখ এদিন পিছুৱাই ১৪ জুলাই নিৰ্ধাৰণ কৰা হৈছে।

এই সন্দৰ্ভত ইছৰোৱে টুইট কৰি জনাইছে যে, 'চন্দ্ৰযান-৩' ১৪ জুলাইত শ্ৰীহৰিকোটৰ সতীশ ধাৱান মহাকাশ কেন্দ্ৰৰ পৰা উৎক্ষেপণ কৰা হ'ব। ইয়াৰোপৰি চন্দ্ৰপৃষ্ঠত ইয়াৰ অৱতৰণৰ দিনো ঘোষণা কৰিছে।

ইছৰোৰ অধ্যক্ষ এছ সোমনাথৰ মতে ২৩ অথবা ২৪ আগষ্টত নিৰাপদে চন্দ্ৰত গৈ 'চন্দ্ৰযান-৩' য়ে অৱতৰণ কৰিব পাৰিব বুলি আশা কৰা হৈছে। তেওঁৰ মতে ভাৰত আন এক বৃহৎ সফলতা লাভৰ দিশে অগ্ৰসৰ হৈছে।

Also Read: মৰিগাঁও জিলা আবৃত্তি পৰিষদৰ প্ৰথম কাৰ্যনিৰ্বাহক সভা সম্পন্ন...