উদীয়মান বজাৰক লক্ষ্য কৰি হুণ্ডাই ইণ্ডিয়াৰ উৎপাদন কেন্দ্ৰ হোৱাৰ লক্ষ্য...

ডিজিটেল ডেস্কঃ হুণ্ডাই মটৰ ইণ্ডিয়াই আফ্ৰিকাৰ উপৰিও ভাৰতৰ চুবুৰীয়া ৰাষ্ট্ৰসমূহৰ বজাৰখনক লক্ষ্য কৰি লৈ বাহন ৰপ্তানিৰ বাবে নিজকে সাজু কৰি তুলিছে। তাৰোপৰি এই বজাৰক কেন্দ্ৰ কৰি হুণ্ডাই ইণ্ডিয়াই উৎপাদন কেন্দ্ৰ হিচাপে আত্মপ্ৰকাশ কৰিবলৈ বিচাৰিছে বুলি এগৰাকী শীৰ্ষ বিষয়াই জনাইছে।  

লোহিত সাগৰ আৰু অন্যান্য ভূ-ৰাজনৈতিক সমস্যাৰ বাবে মধ্যপ্ৰাচ্যৰ দৰে অঞ্চললৈ প্ৰতিষ্ঠানটোৰ বাহন ৰপ্তানি সন্দৰ্ভত প্ৰত্যাহ্বানৰ সন্মুখীন হৈ থকাৰ বাবেই ৰপ্তানি বজাৰত বৈচিত্ৰ্যতা সৃষ্টি কৰিব বিচৰে কোম্পানীটোৱে।

হুণ্ডাই মটৰ ইণ্ডিয়াৰ এমডি উনছু কিমে পিটিআইক জনাইছে যে, "আমি কোম্পানীটোক উদীয়মান বজাৰৰ বাবে উৎপাদন কেন্দ্ৰ হিচাপে স্থান দিছো। আমি আমাৰ খৰচ-অনুকূলিত বাহন উদীয়মান বজাৰলৈ নিৰ্মাণ কৰি ৰপ্তানি কৰিছো।"

তেওঁ উল্লেখ কৰে যে অটো নিৰ্মাতা কোম্পানীটোৰ ঘৰুৱা আৰু ৰপ্তানিৰ পৰিমাণত সুষম মিশ্ৰণ আছে। কিমে কয় যে, উদীয়মান বজাৰৰ বাবে আমাৰ এটা অতি উপযুক্ত প্ৰডাক্ট লাইন আপ আছে। আফ্ৰিকা, মেক্সিকো আৰু লেটিন আমেৰিকাৰ দৰে প্ৰায় সকলো অঞ্চলতে হুণ্ডাইৰ বাহন বিক্ৰী বৃদ্ধিৰ সাক্ষী হোৱা বুলিও তেওঁ কয়।

কিমে কয় যে, লোহিত সাগৰৰ সংকটৰ বাবে মধ্যপ্ৰাচ্যই হেডৱিণ্ডৰ সন্মুখীন হ’বলগীয়া হৈছিল। নেপাল, বাংলাদেশ, ভূটান আৰু শ্ৰীলংকাৰ দৰে চুবুৰীয়া দেশলৈও ৰপ্তানি বৃদ্ধিৰ বাবেও চেষ্টা কৰিছে কোম্পানীটোৱে।

কিমে কয়, আগলৈ গৈ আমি আমাৰ ৰপ্তানিৰ পৰিমাণত স্থিতিশীলতা আশা কৰিছো আৰু এইচ এম চিৰ ৰপ্তানি পৰিৱেশ তন্ত্ৰৰ প্ৰৱেশৰ সৈতে আমি অন্যান্য উদীয়মান বজাৰসমূহত সুযোগসমূহ অন্বেষণ কৰি যাম। চলিত বিত্তীয় বৰ্ষৰ অক্টোবৰ-ডিচেম্বৰ ত্ৰৈমাসিকত হুণ্ডাইয়ে ৪০,৩৮৬ খন বাহন ৰপ্তানি কৰিছে।  

প্ৰতিষ্ঠানটোৱে যোৱা বছৰৰ একেটা ত্ৰৈমাসিকত ৪৩,৬৫০খন বাহন ৰপ্তানি কৰিছিল। ২০২৪ চনত চৌদি আৰব, দক্ষিণ আফ্ৰিকা, মেক্সিকো, চিলি আৰু পেৰুৱে কোম্পানীটোৰ বাবে আয়তনৰ হিচাপত সৰ্বাধিক ৰপ্তানি বজাৰ হিচাপে আত্মপ্ৰকাশ কৰে।

২০২৪ চনত হুণ্ডাইয়ে মুঠ ১,৫৮,৬৮৬খন বাহন ৰপ্তানি কৰিছিল। এই মাহত অটো নিৰ্মাতা কোম্পানীটোৱে ভাৰতৰ পৰা ২৫ বছৰীয়া ৰপ্তানি সম্পূৰ্ণ কৰিছে। ১৯৯৯ চনৰ পৰা ৰপ্তানি আৰম্ভ কৰা হুণ্ডাই মটৰ ইণ্ডিয়াই আজিলৈকে ৩৭ লাখতকৈ অধিক যাত্ৰীবাহী বাহন ৰপ্তানি কৰিছে।

যোৱা ২৫ বছৰত ই সমগ্ৰ বিশ্বৰ ১৫০ খনতকৈও অধিক দেশলৈ যাত্ৰীবাহী বাহন ৰপ্তানি কৰিছে, আৰু বৰ্তমান ৬০ খনতকৈও অধিক দেশলৈ ৰপ্তানি কৰিছে। কিমে কয় যে, দক্ষিণ কোৰিয়াৰ বাহিৰত হুণ্ডাইৰ বাবে সৰ্ববৃহৎ ৰপ্তানি কেন্দ্ৰ হোৱাৰ লক্ষ্যৰে আমি অনাগত বছৰবোৰত আমাৰ বৃদ্ধিৰ ট্ৰেজেক্টৰী অব্যাহত ৰখাৰ আশা কৰিছো।