AI প্ৰযুক্তি সম্বলিত প্ৰথম বিমান বন্দৰলৈ পৰিণত হায়দৰাবাদ বিমানবন্দৰ

ডিজিটেল ডেস্কঃ এ আই প্ৰযুক্তি সম্বলিত দেশৰ প্ৰথমটো বিমান বন্দৰ হিচাপে পৰিগণিত হৈছে জি এম আৰ হায়দৰাবাদ আন্তঃৰাষ্ট্ৰীয় বিমানবন্দৰ। এই বিমান বন্দৰটো হৈছে দেশৰ প্ৰথম বিমানবন্দৰ, যিয়ে কৃত্ৰিম বুদ্ধিমত্তা (এ আই), প্ৰেস্ক্ৰিপটিভ এনালিটিক্স আৰু আই অ' টি প্ৰযুক্তি ব্যৱহাৰ কৰি আধুনিক এ আই-আধাৰিত ডিজিটেল টুইন প্লেটফৰ্ম মুকলি কৰিছে।

এই নতুন প্লেটফৰ্মৰ জৰিয়তে, বিমানবন্দৰ অভিযান কেন্দ্ৰ (এ পি অ' চি) মুকলি কৰা হৈছে, যি উন্নত প্ৰযুক্তি ব্যৱহাৰ কৰি বিমানবন্দৰৰ কাৰ্যকলাপ অধিক স্বচ্ছ, দ্ৰুত আৰু দক্ষতাৰে চলাব।

এই এ পি অ' চি প্ৰণালীয়ে আই.অ’.টি. আৰু চেন্সৰৰ জৰিয়তে ৪০ টাতকৈ অধিক পেৰামিটাৰৰ পৰা তথ্য সংগ্ৰহ কৰিব। ইয়াত, এয়াৰচাইড, লেণ্ডচাইড আৰু টাৰ্মিনেল অপাৰেচনবোৰ একক প্ৰণালীত একত্ৰিত কৰা হ'ব। ফলত বাস্তৱ-সময়ৰ ডাটা ব্যৱহাৰ কৰি দ্ৰুত সিদ্ধান্ত লোৱাত সহায় কৰিব। তাৰোপৰি পৰিবহনৰ সমস্যা হ্ৰাস কৰাৰ লগতে সঠিকভাৱে কাম-কাজ পৰিচালনা কৰিব।

জি এম আৰ হায়দৰাবাদ আন্তঃৰাষ্ট্ৰীয় বিমানবন্দৰ কৰ্তৃপক্ষই এই সন্দৰ্ভত কয়, এই প্ৰযুক্তি শীঘ্ৰেই দিল্লী বিমানবন্দৰতো ব্যৱহাৰ কৰা হ'ব। পিছত ইয়াক পৰ্যায়ক্ৰমে দেশৰ অন্যান্য জিএমআৰৰ দ্বাৰা পৰিচালিত বিমানবন্দৰত আৰম্ভ কৰা হ'ব।

ভাৰতৰ অসামৰিক বিমান পৰিবহণ মন্ত্ৰী কিঞ্জাৰাপু ৰাম মোহন নাইডুৱে হায়দৰাবাদ বিমানবন্দৰত এই প্ৰণালী আৰম্ভ কৰাটোক এক মাইলৰ খুঁটি হিচাপে অভিহিত কৰিছে। তেওঁ কয় যে চৰকাৰে দেশৰ অন্যান্য বিমানবন্দৰতো এপিঅ'চি প্ৰণালী আৰম্ভ কৰাৰ পৰিকল্পনা কৰিছে।

জি এম আৰ বিমানবন্দৰৰ কাৰ্যবাহী সঞ্চালক এছ জি কে কিশোৰে কয়, "এই নতুন এ আই-আধাৰিত প্লেটফৰ্ম আৰু এপিঅ'চিয়ে আধুনিক বিমানবন্দৰৰ কাম-কাজত নতুন মানদণ্ড নিৰ্ধাৰণ কৰিব আৰু যাত্ৰীৰ অভিজ্ঞতা উন্নত কৰিব। বাস্তৱ-সময়ৰ ডাটা আৰু উন্নত বিশ্লেষণ ব্যৱহাৰ কৰি, আমি যাত্ৰীসকলৰ বাবে মসৃণ প্ৰবাহ, অপেক্ষাৰ সময় হ্ৰাস আৰু ব্যক্তিগতকৃত সেৱা নিশ্চিত কৰিম।"