চাবস্ক্ৰাইব কৰক

0

Advertisment
ৰাষ্ট্ৰীয় মুখ্য-পৃষ্ঠা

ঝাৰখণ্ডৰ মুখ্যমন্ত্ৰী হিচাপে পুনৰ শপত ল'লে হেমন্ত চোৰেনে...

আজি পুনৰবাৰ ঝাৰখণ্ডৰ মুখ্যমন্ত্ৰী হিচাপে শপতগ্ৰহণ কৰিলে হেমন্ত চোৰেনে। বৃহস্পতিবাৰে ৰাজ্যখনৰ ৰাজধানী ৰাঁছীত অনুষ্ঠিত হোৱা এই শপতগ্ৰহণ অনুষ্ঠানত উপস্থিত থাকে ইণ্ডিয়া গোটৰ নেতাসকল।

author-image
Asomiya Pratidin
New Update
ঝাৰখণ্ডৰ মুখ্যমন্ত্ৰী হিচাপে পুনৰ শপত ল'লে হেমন্ত চোৰেনে

ডিজিটেল ডেস্কঃ আজি পুনৰবাৰ ঝাৰখণ্ডৰ মুখ্যমন্ত্ৰী হিচাপে শপতগ্ৰহণ কৰিলে হেমন্ত চোৰেনে। বৃহস্পতিবাৰে ৰাজ্যখনৰ ৰাজধানী ৰাঁছীত অনুষ্ঠিত হোৱা এই শপতগ্ৰহণ অনুষ্ঠানত উপস্থিত থাকে ইণ্ডিয়া গোটৰ নেতা তথা কংগ্ৰেছ সভাপতি মল্লিকাৰ্জুন খাৰ্গে, লোকসভাৰ বিৰোধী দলপতি ৰাহুল গান্ধী, পশ্চিম বংগৰ মুখ্যমন্ত্ৰী মমতা বেনাৰ্জীকে ধৰি বহু ৰাজনৈতিক নেতা।

Advertisment

৪৯ বৰ্ষীয় হেমন্ত চোৰেনে আজি মুখ্যমন্ত্ৰী হিচাপে শপত গ্ৰহণ কৰাৰ লগে লগে তেওঁ হৈ পৰে ঝাৰখণ্ডৰ ১৪ সংখ্যক মুখ্যমন্ত্ৰী। তেওঁক আজি শপত বাক্য পাঠ কৰোৱাই ৰাজ্যপাল সন্তোষ কুমাৰ গংগৱাৰে।

উল্লেখ্য যে, ৮১ খন আসনৰ ঝাৰখণ্ড বিধানসভাত ক্ষমতা দখলৰ বাবে প্ৰয়োজনীয় মেজিক নম্বৰ ৪২। সদ্য সমাপ্ত ঝাৰখণ্ড বিধানসভা নিৰ্বাচনত এইবাৰ ঝাৰখণ্ড মুক্তি মৰ্চা  নেতৃত্বাধীন ইণ্ডিয়া গোটে ৫৬ খন আসন দখল কৰিছে।

জে এম এমৰ নেতা হেমন্ত চোৰেনে বৰহাইট আসনৰ পৰা প্ৰতিদ্বন্দিতা কৰি বিজেপিৰ প্ৰাৰ্থী গেমিয়েল হেমৰমক ৩৯,৭৯১ টা ভোটত পৰাস্ত কৰিছে। নিৰ্বাচনত এন ডি এয়ে ২৪ খন আসন লাভ কৰিছে।  

ইফালে আজি মুখ্যমন্ত্ৰীৰ শপত গ্ৰহণ অনুষ্ঠানৰ বাবে ৰাছী চহৰৰ বিদ্যালয়সমূহ বন্ধ হৈ থাকে। হেমন্ত চোৰেনে আজি অকলেই শপতগ্ৰহণ কৰে। পৰৱৰ্তী সময়ত তেওঁ মন্ত্ৰীসভা চূড়ান্ত হোৱাৰ পাছত মন্ত্ৰী হিচাপে দায়িত্ব পোৱা বিধায়কসকলে মন্ত্ৰী হিচাপে শপতগ্ৰহণ কৰিব।

আজিৰ অনুষ্ঠানত উপস্থিত থকা আন আন ৰাজনৈতিক নেতাসকলৰ ভিতৰত আছিল সমাজবাদী পাৰ্টিৰ মুৰব্বী অখিলেখ সিং যাদৱ, আপৰ ৰাষ্ট্ৰীয় সভাপতি, দিল্লীৰ প্ৰাক্তন মুখ্যমন্ত্ৰী অৰবিন্দ কেজৰিৱাল, পঞ্জাৱৰ মুখ্যমন্ত্ৰী ভগৱত সিং মান, ৰাঘৱ চাড্ডা, সঞ্জয় সিং, বিহাৰৰ বিৰোধী দলৰ নেতা তেজস্বী যাদৱ, ডি এম কেৰ এম কে ষ্টেলিন আৰু কৰ্ণাটকৰ উপ মুখ্যমন্ত্ৰী ডি কে শিৱকুমাৰ। 

 

ইণ্ডিয়া হেমন্ত চোৰেন ঝাৰখণ্ড