২০২৪ ত যাত্ৰীবাহী বাহন বিক্ৰীত ৰেকৰ্ডঃ ২০২৫ বিত্তীয় বৰ্ষত কিছু স্থবিৰতা...

ডিজিটেল ডেস্কঃ ভাৰতত ২০২৪-২৫ বিত্তীয়বৰ্ষত যাত্ৰীবাহী বাহন ডিলাৰশ্বিপলৈ প্ৰেৰণ মাত্ৰ ২.৬ শতাংশ বৃদ্ধিৰে ৪.৩৪ নিযুত ইউনিটত উপনীত হৈছে। নগৰ অঞ্চলত মন্দা চাহিদা, উচ্চ ভিত্তি প্ৰভাৱ আৰু হেচবেক-ছেডান বিক্ৰীৰ নিম্নগতি ইয়াৰ প্ৰধান কাৰণ বুলি বিশেষজ্ঞসকলে মত ব্যক্ত কৰিছে।

মাৰ্চ মাহত দেশৰ যাত্ৰীবাহী হোলচেল বিক্ৰী ৩.৮-৩.৯ লাখ ইউনিটৰ মাজত আছিল, যি বিত্তীয় বৰ্ষ ২০২৪ ৰ মাৰ্চত ৩.৬৮ লাখ আছিল। মাৰুতি ছুজুকি ইণ্ডিয়া লিমিটেডৰ বিপণন আৰু বিক্ৰী বিভাগৰ প্ৰধান পাৰ্থ বেনাৰ্জীয়ে এই সন্দৰ্ভত কয়, বিত্তীয় বৰ্ষ ২০২৪ ত চাহিদা বৃদ্ধিৰ কাৰণ আছিল কোভিডৰ সময়ছোৱাৰ স্থবিৰতা।

২০২৪ বিত্তীয় বৰ্ষত ভাৰতত যাত্ৰীবাহী বাহন  হোলচেল বিক্ৰী ৯ শতাংশ বৃদ্ধিৰে ৪.২৩ নিযুত ইউনিটত উপনীত হৈছিল। বিত্তীয় বৰ্ষ ২০২৫ ত মাৰুতি ছুজুকি ইণ্ডিয়া লিমিটেডৰ দেশীয় বিক্ৰী ২.৭ শতাংশ বৃদ্ধিৰে ১.৯ নিযুত ইউনিটত উপনীত হয়। বেনাৰ্জীয়ে উল্লেখ কৰে যে বিত্তীয় বৰ্ষ ২০২৬ ৰ বৃদ্ধিৰ পূৰ্বাভাস বিত্তীয় বৰ্ষ ২০২৫ ৰ দৰে ১-২ শতাংশ।

বিত্তীয় বৰ্ষ ২০২৫  ত হেচবেক আৰু ছেডানৰ চাহিদা যথেষ্ট হ্ৰাস পাইছিল। মাৰুতি ছুজুকি ইণ্ডিয়া লিমিটেডৰ সৰু বাহনৰ বিক্ৰী বিত্তীয় বৰ্ষ ২০২৪ ৰ ৯,৮০,৪৪৬ ইউনিটৰ পৰা বিত্তীয় বৰ্ষ ২০২৫ ত ৯,০৪,৯০৯ ইউনিটলৈ নামি আহিছে।

দেশৰ দ্বিতীয় বৃহত্তম বাহন নিৰ্মাতা হোণ্ডাই মটৰ ইণ্ডিয়াই বিত্তীয় বৰ্ষ ২০২৫ ত ২.৬ শতাংশ হ্ৰাসসহ ৫,৯৮,৬৬৬ ইউনিট বাহন ডিলাৰশ্বিপলৈ প্ৰেৰণ কৰিছে। টাটা মটৰ্ছৰ দেশীয় যাত্ৰীবাহী বাহন  বিক্ৰী ৩ শতাংশ হ্ৰাসসহ ৫,৫৩,৫৮৫ ইউনিট হয়।
অন্যহাত, মাহিন্দ্ৰা আৰু মাহিন্দ্ৰা আৰু টয়’টাৰ বিক্ৰী উল্লেখযোগ্যভাৱে বৃদ্ধি পাইছে। মহিন্দ্ৰাৰ দেশীয় বিক্ৰী বিত্তীয় বৰ্ষ ২০২৫ ত ২৭.৯ শতাংশ বৃদ্ধি পাইছে ৩,৩৭,১৪৮ ইউনিটলৈ, আৰু টয়’টাৰ বিক্ৰী ১৯.৯ শতাংশ বৃদ্ধি পায় ৫,৫১,৪৮৭ ইউনিটত উপনীত হৈছে।

মাৰুতি ছুজুকি ইণ্ডিয়া লিমিটেডৰ ৰপ্তানি বিত্তীয় বৰ্ষ ২০২৫ ত ১৭.৫ শতাংশ বৃদ্ধি পায় ৩,৩২,৫৮৫ ইউনিটত উপনীত হৈছে। বিত্তীয় বৰ্ষ ২০২৬ ৰ ৰপ্তানি সন্দৰ্ভত মাৰুতি ছুজুকি ইণ্ডিয়া লিমিটেডৰ কৰ্পোৰেট বিষয়সমূহৰ কাৰ্যবাহী পৰিচালক ৰাহুল ভাৰতীয়ে কয়, "বিত্তীয় বৰ্ষ ২০২৬ৰ পূৰ্বাভাস চূড়ান্ত হোৱা নাই। কিন্তু ভাল বৃদ্ধি আশা কৰা হৈছে। বিত্তীয় বৰ্ষ ২০৩০ ৰ ভিতৰত আমি বছৰি ৭.৫-৮ লাখ ইউনিট ৰপ্তানিৰ লক্ষ্য ৰাখিছোঁ।"

তেওঁ আৰু কয়, "২০২৫-২৬ত e-Vitara লঞ্চৰ লগে লগে বৈদ্যুতিক বাহনৰ ৰপ্তানিয়ে বৃহৎ ভূমিকা পালন কৰিব।"