১১,১৬৯ কোটিৰ মাল্টি ট্ৰেকিং প্ৰকল্পত অনুমোদন মন্ত্ৰীসভাৰ

ডিজিটেল ডেস্ক: অৰ্থনৈতিক পৰিক্ৰমা কেবিনেট কমিটীয়ে সমগ্ৰ মহাৰাষ্ট্ৰ, মধ্যপ্ৰদেশ, পশ্চিম বংগ, বিহাৰ, ওড়িশা, আৰু ঝাৰখণ্ডত প্ৰায় ১১,১৬৯ কোটি টকাৰ চাৰিটা মাল্টি ট্ৰেকিং প্ৰকল্পত অনুমোদন জনাইছে। এক আনুষ্ঠানিক বিবৃতিত কোৱা হৈছে যে ইয়াৰ ফলত ভাৰতীয় ৰে’লৱেৰ বৰ্তমানৰ নেটৱৰ্ক প্ৰায় ৫৭৪ কিলোমিটাৰ বৃদ্ধি পাব আৰু ২০২৮-২৯ চনৰ ভিতৰত সম্পূৰ্ণ হ’ব।

এই প্ৰকল্পৰ ভিতৰত অন্তৰ্ভূক্ত হৈছে ইটাৰ্ছি – নাগপুৰ চতুৰ্থ লাইন, ঔৰংগাবাদ (ছাত্ৰপতি সম্ভাজিনগৰ) - পৰভানী ডাবলিং, আলুৱাবাৰী পথ- নতুন জলপাইগুৰি ৩য় আৰু ৪ৰ্থ লাইন আৰু ডাংগোপোছি- জাৰোলি ৩য় আৰু ৪ৰ্থ লাইন।

উল্লেখ্য যে, এই বৰ্ধিত লাইন ক্ষমতাই গতিশীলতা যথেষ্ট বৃদ্ধি কৰিব। যাৰ ফলত ভাৰতীয় ৰে’লৱেৰ বাবে কাৰ্য্যকৰী দক্ষতা আৰু সেৱা আৰু অধিক উন্নত হ’ব।