ডিজিটেল ডেস্কঃ ভয়ংকৰ পথ দুৰ্ঘটনা । মুম্বাই-পুনে এক্সপ্ৰেছৱেত এখন ট্ৰাকৰ ব্ৰেক বিফল হোৱাৰ পিছত সংঘটিত হৈছে দুৰ্ঘটনা । বৃহস্পতিবাৰে সংঘটিত হোৱা দুৰ্ঘটনাত ১২ খনকৈ গাড়ীক খুন্দা মাৰে এখন ট্ৰাকে । এই ঘটনাৰ পিছতেই উপৰা-উপৰিকৈ বহুকেইখন বাহনৰ মাজত সংঘৰ্ষ হয়।
এই দুৰ্ঘটনাত চাৰিজনকৈ লোক আহত হৈছে । আহত সকলক ততাতৈয়াকৈ চিকিৎসালয়ত ভৰ্তি কৰোৱা হয় । এই ঘটনাটো সংঘটিত হৈছে মহাৰাষ্ট্ৰৰ খোপলিত । ট্ৰাকখনৰ ব্ৰেক বিকল হৈ পৰাৰ পিছতেই এখন গাড়ীয়ে আন এখনক খুন্দা মাৰে । এই ঘটনাৰ পিছতেই বহু কেইখন বাহন ক্ষতিগ্ৰস্থ হোৱাৰ উপৰিও ধ্বংস হৈছে ।
এই ঘটনাৰ পিছতেই দুৰ্ঘটনাস্থলীত তীব্ৰ যান-যঁটৰ সৃষ্টি হ’য় । যদিওবা এখন গাড়ী আন এখন গাড়ীত ভয়ংকৰ ভাবে উপৰা-উপৰিকৈ উঠাৰ দৃশ্য সামাজিক মাধ্যমত দেখিবলৈ পোৱা গৈছে, সৌভাগ্যক্ৰমে দুৰ্ঘটনাগ্ৰস্থ বাহনকেইখনৰ প্ৰতিগৰাকী লোকৰেই প্ৰাণ ৰক্ষা পৰিছে ।
