ঘৰখনৰ উন্নতিত বহুখিনি প্ৰভাৱ পেলায় দক্ষিণ-পশ্চিম দিশে

ডিজিটেল ডেস্ক: বাস্তু শাস্ত্ৰত ঘৰৰ সামগ্ৰী থোৱা ঠাইখনক বিশেষ গুৰুত্ব দিয়া হয়।বাস্তু মতে, ঘৰখনৰ প্ৰতিটো দিশতে বিশেষ শক্তি থাকে।এই শক্তিৰ পৰা ঘৰখনত ইতিবাচক আৰু নেতিবাচক দুয়োটায়ে প্ৰভাৱ পৰে। এই শক্তিয়ে ঘৰটোত বাস কৰা সদস্যসকলকো প্ৰভাৱিত কৰে। ঘৰটোৰ দক্ষিণ-পশ্চিম দিশটোক বাস্তু শাস্ত্ৰত অতি বিশেষ বুলি গণ্য কৰা হয়। এই দিশটো ৰাহু-কেতুৰ দিশ বুলি গণ্য কৰা হয়। সেয়েহে এই দিশত কিবা সামগ্ৰী থোৱাৰ আগতে আমি যথেষ্ট সচেতন হোৱা উচিত।আজি এই বিষয়ে জানো আহক -

ড্ৰয়িং ৰুম 

ঘৰটোৰ ড্ৰয়িং ৰুম কেতিয়াও দক্ষিণ-পশ্চিম দিশত থাকিব নালাগে।এই দিশত ড্ৰয়িং ৰুম থাকিলে ই ঘৰখনৰ প্ৰতিজন ব্যক্তিৰ মন আৰু আচৰণক প্ৰভাৱিত কৰে। সেয়েহে, এই দিশত ড্ৰয়িং ৰুম নিৰ্মাণ কৰাটো অশুভ বুলি গণ্য কৰা হয়।

শিশুৰ অধ্যয়ন কোঠা 

শিশুৰ অধ্যয়ন কোঠাও এই দিশত নিৰ্মাণ কৰিব নালাগে। এই দিশত অধ্যয়ন কোঠাৰ থাকিলে শিশুসকলৰ মন স্থিৰ নহয় আৰু তেওঁলোকে কোনো বিষয়তে সম্পূৰ্ণৰূপে ধ্যান দিব নোৱাৰে। সেয়েহে এই দিশত কেতিয়াও অধ্যয়ন কোঠা নিৰ্মাণ কৰিব নালাগে। 

পানীৰ টেংকী 

ঘৰৰ পানীৰ টেংকীও এই দিশত ৰাখিব নালাগে।এই দিশত টেংকী ৰাখিলে ঘৰৰ বাস্তু ত্ৰুটি বৃদ্ধি হয়। সেয়েহে ঘৰ এখন নিৰ্মাণ কৰাৰ আগতে এই দিশত গুৰুত্ব দিয়াতো অতি গুৰুত্বপূৰ্ণ। 

গা-ধোৱা ঘৰ

গা-ধোৱা ঘৰটো দক্ষিণ-পশ্চিম দিশত নিৰ্মাণ কৰাটোও অশুভ বুলি গণ্য কৰা হয়। এই দিশত গা-ধোৱা ঘৰ থাকিলে ঘৰখনত নেতিবাচক শক্তিয়ে প্ৰভাৱ বিস্তাৰ কৰে। ঘৰটোত বাস কৰা লোকসকলৰ প্ৰগতি বন্ধ হয় আৰু স্বাস্থ্যৰ ওপৰতো বেয়া প্ৰভাৱ পৰে। এই দিশত গা-ধোৱা ঘৰ থাকিলে ঘৰখনৰ লোকসকল সকলো সময়তে অসুস্থ হৈ থাকে।

উপাসনা গৃহ 

এই দিশত উপাসনা গৃহ নিৰ্মাণ কৰাটোও শুভ বুলি গণ্য কৰা নহয়। এই দিশটো ৰাহু কেতুৰ দিশ হোৱা বাবে উপাসনাৰ সময়ত এজন ব্যক্তিয়ে বহুতো সমস্যাৰ সন্মুখীন হ'ব লগীয়া হ'ব পাৰে। উত্তৰ-পূব কোণত উপাসনা গৃহ নিৰ্মাণ কৰাটো অতি শুভ, কিয়নো এই দিশত দেৱ-দেৱীয়ে বাস কৰে।সেয়েহে উপাসনা গৃহটো সদায় উত্তৰ-পূব দিশত নিৰ্মাণ কৰিব লাগে।

Also Read: ঘৰখনৰ উন্নতিৰ বাবে পালন কৰক বাস্তু নিয়ম