বন্ধ ভাগ্যৰ দুৱাৰ খোলে ‘ফেং চুই কেট’য়ে

ডিজিটেল ডেস্ক: বাস্তু শাস্ত্ৰৰ দৰেই ফেং চুই হৈছে জাপানী বাস্তু শাস্ত্ৰ। ফেং চুই শাস্ত্ৰত উল্লেখ কৰা বেছিভাগ সামগ্ৰীয়েই মানুহে ঘৰৰ সজ্জাৰ বাবে ব্যৱহাৰ কৰে আৰু এই সজ্জাৰ সামগ্ৰীয়েই এজন ব্যক্তিৰ ভাগ্য সলনি কৰিব পাৰে।আপুনি কেৱল এই সামগ্ৰীবোৰ সঠিক দিশত ৰাখিব লাগে। এই শাস্ত্ৰত ‘ফেং চুই কেট’ বা ‘ফেং চুই মেকুৰী’ক অতি উপকাৰী বুলি গণ্য কৰা হয়। এই অনুসৰি, ঘৰত বিভিন্ন ৰঙৰ এনে মেকুৰী ৰাখিলে ঘৰখনৰ সদস্যসকলৰ ভাগ্য সলনি হ'ব পাৰে। কি ৰঙৰ মেকুৰীয়ে কি সূচায়, আজি এই বিষয়ে জানো আহক-

ঘৰলৈ আহে ইতিবাচক শক্তি 

‘ফেং চুই কেট’ক শুভ সংকেত দিয়া মেকুৰী বুলিও গণ্য কৰা হয়। বিশ্বাস অনুসৰি, ইয়াক ঘৰত ৰাখিলে ঘৰখনলৈ ইতিবাচক শক্তিৰ লগতে সুখ আৰু সম্পদৰ আগমন ঘটে।

ইয়াক উত্তৰ-পূব দিশত ৰাখিব 

‘ফেং চুই কেট’ ৰখাৰ সঠিক দিশটো হৈছে উত্তৰ-পূব দিশ। সেউজীয়া ৰঙৰ ‘ফেং চুই কেট’ এই দিশত ৰাখিলে ঘৰৰ সদস্যৰ ভাগ্যৰ দুৱাৰ খোল খায়।

দূৰ হয় আৰ্থিক সীমাবদ্ধতা

এই শাস্ত্ৰত ৰং অনুসৰি ‘ফেং চুই কেট’ৰ গুৰুত্ব বেলেগ বেলেগ হয়। যদি আপুনি যিকোনো ধৰণৰ বিত্তীয় সংকটৰ সৈতে যুঁজি আছে, তেন্তে ঘৰ বা কাৰ্যালয়ত এটা সোণালী ৰঙৰ ‘ফেং চুই কেট’ ৰাখিব।

উন্নত হয় প্ৰেম জীৱন

প্ৰেম জীৱনত সুখ আনিবলৈ ৰঙা ৰঙৰ ‘ফেং চুই কেট’ক অতি শুভ বুলি গণ্য কৰা হয়। ইয়াক ঘৰৰ দক্ষিণ-পশ্চিম দিশত ৰখাটো অতি লাভজনক।

বৃদ্ধি হয় সম্পদ 

যদি আপুনি ঘৰত সুখ আৰু সম্পদ বিচাৰে, তেন্তে নীলা ৰঙৰ ‘ফেং চুই কেট’ ঘৰৰ দক্ষিণ-পূব দিশত ৰাখিব। জ্যোতিষ শাস্ত্ৰ অনুসৰি, এই দিশটো কুবেৰৰ বুলি গণ্য কৰা হয়। সেয়েহে নীলা ৰঙৰ ‘ফেং চুই কেট’ এই দিশত ৰাখিলে আপোনাৰ জীৱনৰ পৰা ধন আৰু সম্পদ সম্পৰ্কীয় সমস্যাবোৰ অতি শীঘ্ৰে আঁতৰ হ’ব।

Also Read: সুখ-শান্তি অটুট ৰখাৰ বাবে আজিয়েই ঘৰলৈ আনক মৌৰা পাখি