আপুনিও অজানিতে এই ভুল কৰি আছে নেকি ?

আপুনিও অজানিতে এই ভুল কৰি আছে নেকি ?

ডিজিটেল ডেস্ক: নিজৰ সন্তানটো সকলো দিশতে আগবাঢ়ি ভাল মানুহ হোৱাটো প্ৰতিগৰাকী পিতৃ-মাতৃৰে কাম্য।কিন্তু অভিভাৱকৰ কিছুমান কৰ্মৰ বাবেই তেওঁলোকৰ সন্তান বিপথে পৰিচালিত হয়।হয়, আজিৰ এই প্ৰতিযোগিতাৰ দিনত সন্তানক আগবঢ়াই নিবৰ বাবে অভিভাৱকসকলে অজানিতে কিছুমান ভুল কৰে।যাৰ বাবে তেওঁলোকৰ সন্তানৰ আত্মবিশ্বাস কমি যায় আৰু অভিভাৱকে আশা কৰা মতে সন্তান আগবাঢ়িব নোৱাৰে।অভিভাৱকে কৰা কি ভুলৰ বাবে সন্তানৰ আত্মবিশ্বাস হ্ৰাস হয় আৰু তেওঁলোক সঠিক পথৰে আগবাঢ়িব নোৱাৰে, আজি জানো আহক-

অধিক হেঁচা প্ৰদান

সন্তানৰ প্ৰাপ্যত অসন্তুষ্ট অভিভাৱকে আৰু অধিক লাভৰ আশাত  তেওঁলোকৰ সন্তানক উৎসাহিত কৰিবলৈ পাহৰি যায়। দৰাচলতে, সকলো ভাৰতীয় অভিভাৱকে বিচাৰে যে তেওঁলোকৰ সন্তানে সকলো ক্ষেত্ৰতে উৎকৃষ্ট হওঁক। যাৰ বাবে তেওঁলোকে সন্তানটোক চাপ দিয়ে। অত্যাধিক চাপত থকাৰ ফলত তেওঁলোকৰ আত্মবিশ্বাস কমি যায়।

অভিভাৱকৰ সপোন পূৰণৰ দায়িত্ব

নিজৰ সপোন পূৰণ কৰিব নোৱাৰা অভিভাৱকসকলে তেওঁলোকৰ সন্তানে তেওঁলোকৰ সপোন পূৰণ কৰাটো বিচাৰে। উদাহৰণ স্বৰূপে, যদি এজন ব্যক্তিয়ে গায়ক হ'ব বিচাৰে আৰু কিবা কাৰণত তেওঁ এনে কৰিব নোৱাৰে, তেন্তে তেওঁ বিচাৰে যে তেওঁৰ সন্তান গায়ক হৈ তেওঁৰ সপোন পূৰণ কৰক। পিতৃ-মাতৃৰ এনে চিন্তাৰ ফলতো শিশুৰ আত্মবিশ্বাস আৰু আত্মসন্মান হ্ৰাস হ'বলৈ আৰম্ভ কৰে।

প্ৰকৃত প্ৰতিভা চিনাক্তত ব্যৰ্থ

বহু অভিভাৱক এনে আছে, যিসকলে তেওঁলোকৰ সন্তানৰ কঠোৰ পৰিশ্ৰমতকৈ ফলাফলৰ প্ৰতিহে অধিক মনোযোগ দিয়ে। আনহাতে অভিভাৱকসকলেই তেওঁলোকৰ সন্তানৰ প্ৰকৃত প্ৰতিভা চিনাক্ত কৰিব লাগে আৰু তেওঁলোকক উৎসাহিত কৰিব লাগে।

আনৰ লগত তুলনা

কিছুমান অভিভাৱকে তেওঁলোকৰ সন্তানক আনৰ সৈতে তুলনা কৰে।অভিভাৱকৰ এই ভুলৰ বাবেও সন্তানৰ আত্মবিশ্বাস হ্ৰাস হয়।

আপুনিও অজানিতে এই ভুল কৰি আছে নেকি ?
সাধাৰণ যেন লাগিলেও সন্তানৰ এই অভ্যাসক একেবাৰে উপেক্ষা নকৰিব

Related Stories

No stories found.
X
Code:
logo
Asomiya Pratidin
www.asomiyapratidin.in