ডিজিটেল ডেস্ক: চুলিৰ যত্নৰ আমি নামী-দামী সামগ্ৰীসমূহ ব্যৱহাৰ কৰো ঠিকেই, কিন্তু সেইসমূহে আমাৰ চুলিৰ সমস্যা সমাধান কৰাৰ বিপৰীতে বৃদ্ধিহে কৰে।হয়, ইয়াত থকা ৰাসায়নিক পদাৰ্থই আমাৰ চুলিৰ স্বাস্থ্যক প্ৰভাৱিত কৰে।সেয়েহে, চুলিৰ যত্নত সদায় প্ৰাকৃতিক সামগ্ৰী ব্যৱহাৰ কৰিব লাগে।চুলিৰ সমস্যাত ঔষধৰ দৰে কাম কৰা এবিধ প্ৰাকৃতিক উপাদান হৈছে ক'লা তিল। কেৱল খাদ্যৰ সোৱাদ বৃদ্ধি কৰাই নহয়, তিল আপোনাৰ চুলিৰ বাবেও যথেষ্ট উপকাৰী। ক'লা তিলৰ পানীত বহুতো পুষ্টি থাকে, যি চুলি শক্তিশালী, উজ্জ্বল আৰু স্বাস্থ্যৱান কৰি ৰাখে। তিলৰ পানী আপোনাৰ চুলিৰ বাবে কেনেদৰে আশীৰ্বাদ হ'ব পাৰে, আজি জানো আহক-
ক'লা তিলত থকা এণ্টিঅক্সিডেণ্টবোৰে চুলিৰ গুৰি শক্তিশালী কৰাত এক গুৰুত্বপূৰ্ণ ভূমিকা পালন কৰে। যেতিয়া আপুনি ক'লা তিলৰ পানীৰে চুলি ধোয়ে, ই চুলিৰ গুৰি শক্তিশালী কৰে আৰু চুলি সৰা সমস্যা হ্ৰাস কৰে। ইয়াৰ কাৰণ হৈছে তিলপানীত থকা অত্যাৱশ্যকীয় পুষ্টি, যিয়ে চুলিৰ বিকাশত সহায় কৰে আৰু চুলিৰ গুৰি শক্তিশালী কৰি ৰাখে।
চুলিৰ স্বাস্থ্যৰ বাবে ভাল ৰক্ত সঞ্চালনৰ প্ৰয়োজন। ক'লা তিলৰ পানীৰে চুলি ধোৱাৰ ফলত মূৰৰ ছালৰ পেশী শিথিল হয়, যিয়ে তেজৰ প্ৰবাহ উন্নত কৰে। উন্নত ৰক্ত সঞ্চালনৰ ফলত মূৰৰ ছালে পুষ্টি লাভ কৰে, যিয়ে চুলিৰ বিকাশ উন্নত কৰে আৰু চুলি সৰা প্ৰতিহত কৰে।
বয়স বৃদ্ধিৰ ফলত চুলি পকাটো একেবাৰেই স্বাভাৱিক।কিন্তু আজিকালি খুব কম বয়সতে চুলি পকিবলৈ ধৰে। কিন্তু ক'লা তিলৰ পানীয়ে চুলি ধুলে ই প্ৰাকৃতিকভাৱে চুলি ক'লা কৰি ৰখাত সহায় কৰে। ক'লা তিলত ৰঞ্জক থাকে, যি চুলিৰ প্ৰাকৃতিক ৰং বজাই ৰখাত সহায়ক হয়।
চুলিৰ স্বাস্থ্যকৰ বিকাশৰ বাবেও ক'লা তিলৰ পানী যথেষ্ট উপকাৰী। ইয়াৰ ব্যৱহাৰে চুলিৰ গুৰি শক্তিশালী কৰে, চুলিৰ ফলিকলবোৰ স্বাস্থ্যৱান ৰাখে আৰু চুলিৰ বিকাশ ত্বৰান্বিত কৰে। ক'লা তিলৰ পানীয়ে চুলিৰ পুষ্টি প্ৰদান কৰে, যি চুলিৰ বিকাশ তিনিগুণ বৃদ্ধি কৰিব পাৰে।
অলপ ক'লা তিল এক ৰাতিৰ বাবে পানীত তিয়াই থব। পিছদিনা, তিলখিনি ছেকনীৰে ছেকি পানীখিনি পৃথক কৰিব।প্ৰথমে এই পানীৰে চুলিখিনি ভালদৰে মালিচ কৰিব আৰু কিছু সময়ৰ এইদৰে থৈ দিব দিয়ক।পাছত পৰিস্কাৰ পানীৰে চুলিখিনি ধুই পেলাব।
