চৰকাৰৰ কঠোৰ নিয়মঃ ১৬ বছৰৰ তলৰ শিশুৰ বাবে ইউটিউব নিষিদ্ধ...

ডিজিটেল ডেস্কঃ  অষ্ট্ৰেলিয়া চৰকাৰে ঘোষণা কৰিছে যে ১৬ বছৰৰ তলৰ শিশুৰ বাবে ইউটিউব একাউণ্ট নিষিদ্ধ কৰা হ’ব। এই নিষেধাজ্ঞা আগষ্টৰ পৰা কাৰ্যকৰী হ’ব, যাৰ ফলত ফেচবুক, ইনষ্টাগ্ৰাম, স্নেপচেট আৰু টিকটকৰ দৰে প্লেটফৰ্মৰ সৈতে ইউটিউবো এই নিষেধাজ্ঞাৰ অধীনত পৰিব।

পূৰ্বতে ইউটিউবক শৈক্ষিক গুৰুত্বৰ বাবে ৰেহাই দিয়া হৈছিল, কিন্তু ই-ছেফটি কমিছনৰ জৰীপত দেখা গৈছে যে ৩৭% শিশুৱে ইউটিউবত ক্ষতিকাৰক বিষয়বস্তুৰ সন্মুখীন হৈছে। প্ৰধানমন্ত্ৰী এন্থনী আলবানিজে কয়, “শিশুৰ মানসিক আৰু শাৰীৰিক স্বাস্থ্যৰ ক্ষতি ৰোধ কৰিবলৈ আমি এই পদক্ষেপ লৈছোঁ।”

নিষেধাজ্ঞা অমান্য কৰিলে প্লেটফৰ্মে ৪৯.৫ মিলিয়ন অষ্ট্ৰেলিয়ান ডলাৰ জৰিমনাৰ সন্মুখীন হ’ব। ইউটিউবে এই সিদ্ধান্তক “অপ্রত্যাশিত” বুলি সমালোচনা কৰিছে, কিন্তু শিশুসকলৰ বাবে ইউটিউব কিডছ প্লেটফৰ্ম এতিয়াও মুক্ত থাকিব।