বহিঃৰাজ্যত কাম কৰিবলৈ গৈ নিৰুদ্দেশ তিতাবৰৰ যুৱক

ডিজিটেল সংবাদ, বেকাজানঃ পুনৰ বহিঃৰাজ্যত সন্ধানহীন অসমৰ যুৱক। তিতাবৰৰ চৰাইপানী গোহাঁই গাঁৱৰ সুনীল উৰিয়া নামৰ যুৱকজন বাংগালোৰত কাম কৰিবলৈ গৈ  বিগত ১০ টা দিনে নিৰুদ্দেশ হৈ থকা ঘটনাই চাঞ্চল্যৰ সৃষ্টি কৰিছে।

জানিব পৰা মতে,পৰিয়ালৰ আৰ্থিক দুৰাৱস্থাৰ বাবে বহিঃৰাজ্যত কাম কৰিবলৈ গৈ নিৰুদ্দেশ হোৱা ঘটনাই হাহাকাৰ লগাইছে পৰিয়ালত। বিগত ১৭ জুলাইত  সুনীল উৰিয়াই বাংগালোৰৰ পৰা নিজ গৃহলৈ আহি থাকোঁতে বিজয়ৱাডা ষ্টেচনৰ পৰা নিৰুদ্দেশ হয়। ত্ৰিশ বছৰীয়া যুৱকজনৰ ঘৰ তিতাবৰ চৰাইপানী গোহাঁই গাওঁত। 

ইফালে, পৰিয়ালে বহু যোগাযোগ কৰাৰ পাছতো এই পৰ্যন্ত নিৰুদ্দেশ হৈ থকা সুনীল উৰিয়াৰ সন্ধান লাভ কৰিবলৈ সক্ষম হোৱা নাই ৷ ফলত পৰিয়ালটোৱে দুঃচিন্তাত উজাগৰী নিশা কটাবলৈ বাধ্য হৈছে ৷ ইপিনে যুৱকজনৰ নিৰুদ্দেশ হোৱাৰ বিষয়ে পৰিয়ালৰ লোকে তিতাবৰ আৰক্ষী থানাত এজাহাৰ দাখিল কৰিছে ৷ কিন্তু এই পৰ্যন্ত নিৰুদ্দেশ হোৱা যুৱকজনক সন্দৰ্ভত কোনো শুং-সূত্ৰ উলিয়াবলৈ সক্ষম হোৱা নাই আৰক্ষী ৷