ৰঙাপৰাত টেক্টৰৰ চেপাত থিতাতে নিহত যুৱক

ডিজিটেল সংবাদ, জামুগুৰিহাট : মঙলবাৰে ৰঙাপৰাত সংঘটিত হয় এক ভয়ংকৰ পথ দুৰ্ঘটনা ৷ টেক্টৰ চোপাত থিতাতে নিহত হয় এজন যুৱক ৷ 

জানিব পৰা মতে, নিহত যুৱকজনৰ ঘৰ ৰঙাপৰা মইনাজুলিৰ চাহ বাগিচাৰ ১১ নং লাইনত ৷ টেক্টৰৰ চেপাত  নিহত যুৱকজনৰ নাম আকাশিষ ওৰাং ৷ 

উল্লেখযোগ্য যে, পুৱা টেক্টৰত উঠি পথাৰত হালবাবলৈ যোৱা সময়তে যুৱকজনৰ ভৰি পিছল খায় টেক্টৰৰ চকাৰ তলত সোমাই পৰে ৷ টেক্টৰৰ চকা শৰীৰৰ ওপৰত উঠি যোৱাত যুৱকজন থিতাতে নিহত হয় ৷ 

পাছত ৰাইজে ১০৮ এম্বুলেন্সৰে ৰঙাপৰা প্ৰাথমিক স্বাস্থ্য কেন্দ্ৰলৈ আনে যদিও চিকিৎসকে মৃত বুলি ঘোষণা কৰে ৷