৩৪ নং চি আৰ পি এফ শিবিৰত যোগ শিবিৰ...

ডিজিটেল সংবাদ,নগাঁওঃ নগাঁৱৰ কাতিমিৰীস্থিত ৩৪ নং চি আৰ পি এফৰ মুখ্য শিবিৰত আয়োজিত যোগ শিবিৰৰ বুধবাৰে সামৰণি পৰে ৷ ২২ চেপ্তম্বৰৰ পৰা ৭ দিনীয়াকৈ যোগ শিবিৰৰ আয়োজন কৰে ৷ আৰ্ট অব লিভিঙ শীৰ্ষক যোগ শিবিৰৰ জৰিয়তে চি আৰ পি এফৰ সকলো বিষয়া-জোৱানৰ উৎকৰ্ষ সাধনৰ লক্ষ্য স্থিৰ কৰাই আছিল ইয়াৰ উদ্দেশ্য ৷

বুধবাৰে যোগ শিবিৰৰ সামৰণি অনুষ্ঠানত চি আৰ পি এফৰ ডি আই জি হনুমান সিঙ ৰাৱটে অংশগ্ৰহণ কৰে ৷ জোৱান সকলে যোগ প্ৰদৰ্শন কৰাৰ লগতে যোগৰ দ্বাৰা কেনেকৈ উপকৃত হ'ব পাৰি সেই সন্দৰ্ভত বক্তব্য আগবঢ়াই উপস্থিত অতিথি সকলে ৷ সামৰণি সভাখনত বেটেলিয়নটোৰ অধিনায়ক এছ এছ উপাধ্যায় , বিষয়া আৰ কে শ্ৰীবাস্তৱ, চৎবীৰ সিঙ , প্লাৱন বৰা আদি উপস্থিত থাকে ৷