ডিজিটেল সংবাদ, ৰঙাপৰা: শোণিতপুৰৰ ৰঙাপৰাত বিদ্যুৎস্পৃষ্ট হৈ মৃত্যু হয় এজন শ্রমিকৰ। ৰঙাপৰা চাহ বাগিচাৰ ভঙাবিল লাইনৰ সুৰজ ধানোৱাৰে ৱাৰিছ ইঞ্জিনিয়াৰিং ওৱকৰ্চত কাম কৰি আছিল। ঠিক তেনে সময়তে সুৰুজ ধানোৱাৰ বিদ্যুৎস্পৃষ্ট হৈ গুৰুতৰভাৱে আহত হয়।
আহত শ্রমিকজনক লগে লগে তেজপুৰলৈ লৈ যায় যদিও চিকিৎসালয়তে মৃত্যু হয় শ্ৰমিকজনৰ। ইফালে ঘটনাৰ খবৰ পোৱাৰ লগে লগে ঘটনাস্থলীত ৰঙাপৰা আৰক্ষী থানাৰ এটা দল উপস্থিত হৈ সমগ্ৰ ঘটনাৰ বুজ লয়।
২২ বছৰীয়া যুৱকজনৰ অকাল মৃত্যু ঘটাত সমগ্ৰ ৰঙাপৰা অঞ্চলত তীব্ৰ চাঞ্চল্যৰ সৃষ্টি কৰাৰ লগতে ভঙাবিল লাইনত শোকৰ ছাঁ পৰে। উল্লেখযোগ্য যে গাড়ীৰ তেলৰ টেংকী তৈয়াৰ কৰা ৱাৰিছ ইঞ্জিনিয়াৰিং ওৱকৰ্চত কৰ্মৰত শ্ৰমিকসকলৰ নিৰাপত্তা নথকাৰ অভিযোগ তোলে সুৰুজৰ পৰিয়ালটোৱে ।
