বটদ্ৰৱা আৰক্ষীৰ নিচাযুক্ত দ্ৰব্য বিৰোধী অভিযানত বৃহৎ পৰিমাণৰ ধনৰাশিসহ মহিলা আটক

ডিজিটেল সংবাদ, বটদ্ৰৱা : নগাঁও জিলাৰ বটদ্ৰৱা আৰক্ষীৰ ড্ৰাগছ বিৰোধী অভিযানত বৃহস্পতিবাৰে বৃহৎ পৰিমাণৰ ধনৰাশিসহ মহিলা আটক কৰা হয়। গোপন সূত্ৰৰ পম খেদি বটদ্ৰৱা থানৰ ভাৰপ্ৰাপ্ত বিষয়া বীৰেণ কলিতা নেতৃত্বত ধনিয়াভেটি চৌৰাপাৰাৰ হামিদুল ইছলাম নামৰ এটা কুখ্যাত ড্ৰাগছ ব্যবসায়ীৰ ঘৰত অভিযান চলোৱাত নিসিদ্ধ হেৰইনসহ ৪,৮০,০০০ টকা জব্দ কৰে আৰক্ষীয়ে। 

আৰক্ষীয়ে চলোৱা অভিযানৰ সময়তে কৌশলেৰে হামিদুল ইছলাম পলায়ন কৰে, যদিও আৰক্ষীয়ে এগৰাকী মহিলা সৰবৰাহকাৰীক আটক কৰে। উল্লেখ্য যে, হামিদুল ইছলাম নগাঁৱৰ পশ্চিম অঞ্চলতৰ কুখ্যাত ড্ৰাগছ ব্যৱসায়ী হিচাপে পূৰ্বে ৫বাৰ আৰক্ষীৰ হাতত আটক হৈছে। কিন্ত আইনৰ সুৰুঙা লৈ মুক্ত হৈ পুনৰ নিসিদ্ধ ব্যবসায়ত লিপ্ত হৈ পৰে।