ৰঙিয়াত পৰকীয়া প্ৰেমৰ ভয়ংকৰ পৰিণতি, পত্নীয়ে ল’লে স্বামীৰ প্ৰাণ....

ডিজিটেল সংবাদ,ৰঙিয়াঃ  পুনৰ পৰকীয়া প্ৰেমৰ ঘটনাই দখল কৰিছে বাতৰিৰ শিৰোনাম । ৰঙিয়াৰ জয়ন্তীপুৰত সংঘটিত হৈছে এক লোমহৰ্ষক হত্যাকাণ্ড। পত্নীয়ে পুত্ৰ আৰু প্ৰেমীকৰে মিলি প্ৰাণ ললে স্বামীৰ।

ঘাটক পত্নীয়ে প্ৰেমীকৰ সৈতে মিলি স্বামী বদিৰ আলীৰ প্ৰাণ লোৱাৰ গুৰুতৰ অভিযোগ উত্থাপন কৰিছে ৰাইজে । যোৱানিশা স্বামীক হত্যা কৰি অন্য ৰূপ দিয়াৰ চেষ্টা কৰিছিল পত্নীয়ে।

ওচৰ চুবুৰীয়াই মৃত্যুৰ খবৰ পাই ঘটনাস্থলীত উপস্থিত হৈ প্ৰত্যক্ষ কৰে ডিঙিত ৰেপি হত্যা কৰাৰ স্পষ্ট চিন ।

এই ঘটনাক কেন্দ্ৰ কৰি জয়ন্তীপুৰত উত্তপ্ত পৰিস্থিতিৰ সৃষ্টি হয়। ঘটনাস্থলীত আৰক্ষী আৰু দণ্ডাধীশৰ দল উপস্থিত হৈ পৰিস্থিতি নিয়ন্ত্ৰণ কৰে।

ইতিমধ্যে ঘাটক পত্নীক আৰক্ষীয়ে আটক কৰিছে । উক্ত ঘটনাৰ উচিত তদন্ত বিচাৰিছে উত্তেজিত ৰাইজে।