উপ-ৰাষ্ট্ৰপতি পদৰ পৰা পদত্যাগ জগদীপ ধনখড়ৰ...

ডিজিটেল ডেস্কঃ হঠাৎ উপ-ৰাষ্ট্ৰপতি পদৰ পৰা পদত্যাগ কৰিলে জগদীপ খনখড়ে। আজি ৰাষ্ট্ৰপতি দ্ৰৌপদী মুৰ্মূলৈ পদত্যাগ পত্ৰ প্ৰেৰণ কৰি উপ-ৰাষ্ট্ৰপতিগৰাকীয়ে তেওঁৰ পদৰ পৰা পদত্যাগ কৰিছে।

জানিব পৰা মতে তেওঁ স্বাস্থ্য জনিত কাৰণতে এই পদৰ পৰা পদত্যাগ কৰিছে। উল্লেখ্য যে, আজিৰে পৰা আৰম্ভ হৈছে দেশৰ সংসদৰ বৰ্ষাকালীন অধিৱেশন। আজিৰ দিনটোত তেওঁ উচ্চ সদনত যথেষ্ট সক্ৰিয় ৰূপত দেখা গৈছিল।

উল্লেখ্য যে, ২০২২ চনৰ আগষ্ট মাহত জগদীপ ধনখড়ে উপ-ৰাষ্ট্ৰপতি হিচাপে কাৰ্যভাৰ গ্ৰহণ কৰিছিল।বিৰোধী প্ৰাৰ্থী মাৰ্গাৰেট আলভাক ৩৪৬টা ভোটত পৰাস্ত কৰি দেশৰ উপ-ৰাষ্ট্ৰপতি হিচাপে তেওঁ দায়িত্ব লাভ কৰিছিল।

ইয়াৰ পূৰ্বে তেওঁ আছিল বংগৰ ৰাজ্যপালৰ দায়িত্বত। আজি তেওঁ ৰাষ্ট্ৰপতিলৈ প্ৰেৰণ কৰা পদত্যাগ পত্ৰত তেওঁক উপ-ৰাষ্ট্ৰপতিৰ দৰে পদত নিৰ্বাচিত কৰি দেশৰ সেৱাৰ কৰাৰ সুযোগ দিয়াৰ বাবে ৰাষ্ট্ৰপতি দ্ৰৌপদী মুৰ্মূ, প্ৰধানমন্ত্ৰী নৰেন্দ্ৰ মোডী, মন্ত্ৰীসভা, সংসদৰ সদস্যৰ লগতে সমগ্ৰ দেশবাসীক কৃতজ্ঞতা জ্ঞাপন কৰিছে।