ধুবুৰীৰ গৌৰীপুৰত নিষিদ্ধ গো-মাংসসহ বাহন জব্দ...

ডিজিটেল সংবাদ,ধুবুৰীঃ চৰকাৰে গো-মাংস নিষিদ্ধ ঘোষণা কৰাৰ পিছতো চলি আছে গো-মাংসৰ চোৰাং সৰবৰাহ। নিতৌ গৌৰীপুৰৰ ১৭ নং ৰাষ্ট্ৰীয় ঘাইপথেৰে ন- ন কৌশল অৱলম্বন কৰি গো-মাংস গাড়ীৰে সৰবৰাহ হৈ আছে।

উল্লেখযোগ্য যে শুকুৰবাৰে শাক-পাচলি কঢ়িয়াই অনা বলেৰ' বাহনত বস্তাৰ তলত নিষিদ্ধ গো-মাংস লুকাই অনা অৱস্থাত জব্দ কৰে গৌৰীপুৰ আৰক্ষীয়ে। আৰক্ষীৰ উমান পাই গৌৰীপুৰত বাহন এৰি পলায়ন কৰে চালক জনে। 

আৰক্ষীয়ে এএছ ১৭ চি ৬০০৮ নম্বৰৰ বলেৰ’ বাহনখনৰ লগতে প্ৰায় ৫০০ কেজি নিষিদ্ধ গো-মাংস জব্দ কৰে। গো-মাংস খিনি চুবুৰীয়া ৰাজ্য পশ্চিমবঙ্গৰ পৰা অনা বুলি সন্দেহ প্ৰকাশ কৰে সচেতন ৰাইজে। ইতিমধ্যে আৰক্ষীয়ে বাহনখন থানালৈ আনি অধিক তথ্যৰ বাবে তদন্ত অব্যাহত ৰাখিছে।