এয়াৰ ইণ্ডিয়াৰ বিমানত ওলাল পঁইতাচোৰা, যাত্ৰীৰ মাজত হাহাকাৰ

এয়াৰ ইণ্ডিয়াৰ বিমানত ওলাল পঁইতাচোৰা। আমেৰিকাৰ ছান ফ্ৰান্সিস্কোৰ পৰা মুম্বাই অভিমুখে আহি থকা বিমানখনত পঁইতাচোৰা ওলোৱাৰ পাছতে যাত্ৰীৰ মাজত লাগিল হাহাকাৰ। 

author-image
Asomiya Pratidin
New Update
fsdfsdfs

ডিজিটেল ডেস্কঃ এইবাৰ এয়াৰ ইণ্ডিয়াৰ বিমানত ওলাল পঁইতাচোৰা। আমেৰিকাৰ ছান ফ্ৰান্সিস্কোৰ পৰা মুম্বাই অভিমুখে আহি থকা বিমানখনত পঁইতাচোৰা ওলোৱাৰ পাছতে যাত্ৰীৰ মাজত লাগিল হাহাকাৰ। 

অৱশ্যে এই ঘটনাক লৈ বিতৰ্ক বৃদ্ধি পোৱাৰ পিছত এয়াৰ ইণ্ডিয়াই এক বিবৃতি প্ৰকাশ কৰি ক্ষমা বিচাৰিছে। ভৱিষ্যতে এনেধৰণৰ ঘটনা ৰোধৰ বাবে উপযুক্ত পদক্ষেপ গ্ৰহণ কৰিব বুলি বিমান সংস্থাটোৱে জানিবলৈ দিয়ে। বিমান কোম্পানীটোৱে সদৰী কৰে যে, ‘ছান ফ্ৰান্সিস্কোৰ পৰা কলকাতা হৈ মুম্বাইলৈ যোৱা AI180 বিমানত দুজন যাত্ৰী দুৰ্ভাগ্যজনকভাৱে সৰু সৰু পঁইতাচোৰা দেখা পাইছিল। আমাৰ কেবিন ক্ৰুৱে লগে লগে দুয়োজন যাত্ৰীৰ আসন সলনি কৰি একেটা কেবিনৰ আন ঠাইত বহিবলৈ দিলে’ বুলি উল্লেখ কৰে এয়াৰ ইণ্ডিয়াই।

আনহাতে, এয়াৰ ইণ্ডিয়াই লগতে উল্লেখ কৰে যে, আমি ভৱিষ্যতে এনেধৰণৰ ঘটনা ৰোধৰ বাবে উপযুক্ত পদক্ষেপ গ্ৰহণ কৰিম। বিবৃতিৰ জৰিয়তে সমগ্ৰ ঘটনাৰ বাবে যাত্ৰীৰ ওচৰত পুনৰবাৰ ক্ষমা বিচাৰে বিমান কোম্পানীটোৱে।

এয়াৰ ইণ্ডিয়া