ৰে'ল আৰক্ষীয়ে উদ্ধাৰ কৰে দুই কিশোৰীক, আটক মহিলা

ডিজিটেল সংবাদ, লামডিং: শিলচৰ গুৱাহাটী ৰে'লৰ পৰা মঙলবাৰে ৰে'ল আৰক্ষীয়ে উদ্ধাৰ কৰে দুই কিশোৰীক ৷ ডিমা হাচাও জিলাৰ মাইবঙৰ পৰা কিশোৰী দুগৰাকীক লৈ যোৱাৰ চেষ্টা চলাইছিল এগৰাকী স্থানীয় মহিলাই ৷

কাম দিয়াৰ প্ৰলোভনৰে কিশোৰী দুগৰাকীক দিল্লীলৈ সৰৱৰাহ কৰাৰ সন্দেহ কৰিছে আৰক্ষীয়ে ৷ ৰেল আৰক্ষীয়ে এই সংক্ৰান্তত মাইবঙৰে সুনিতা ৰয় নামৰ এগৰাকী মহিলাকো আটক কৰিছে ৷

আটকাধীন মহিলাগৰাকীয়ে কিশোৰী দুগৰাকীক বহি:ৰাজ্যলৈ কাম দিয়াৰ প্ৰলোভনেৰে বিক্ৰী কৰাৰ চক্ৰান্ত চলাইছিল নে নাই সেই সন্দৰ্ভত তদন্ত অব্যাহত ৰাখিছে ৷