আমেৰিকাই ইৰানক দিব ৩০বিলিয়ন ডলাৰৰ সাহায্য...

ডিজিটেল ডেস্কঃ  পাৰমাণৱিক অস্ত্রাগাৰত আমেৰিকাৰ বিমান আক্ৰমণৰ পাছত ৰাষ্ট্ৰপতি ড'নাল্ড ট্রাম্পে ইজৰাইল আৰু ইৰানৰ মাজত যুদ্ধবিৰতি ঘোষণা কৰি উত্তেজনা হ্রাস কৰাৰ বাবে কৃতিত্ব দাবী কৰিছে। ট্রাম্পে  ছ'চিয়েলত কয় যে- পৰৱৰ্তী সপ্তাহত ইৰানৰ সৈতে পাৰমাণৱিক আলোচনাৰ বাবে আমেৰিকা সাজু।

আমেৰিকাৰ বিদেশ সচিব মার্কো ৰুবিঅ'ই কয় যে ইৰানৰ সৈতে কূটনীতি এতিয়াও সম্ভৱ, আৰু শাসন পৰিৱৰ্তনৰ কোনো লক্ষ্য নাই। প্রতিবেদনত কোৱা হৈছে যে ট্রাম্প প্রশাসনে ইৰানক অসামৰিক পাৰমাণৱিক কাৰ্যসূচীৰ বাবে ৩০ বিলিয়ন ডলাৰৰ সহায়ৰ বিষয়ে আলোচনা কৰিছে।

কিন্তু ইৰানৰ বিদেশ মন্ত্রী আব্বাছ আৰাঘচীয়ে আমেৰিকাৰ সৈতে আলোচনাৰ পৰিকল্পনা নাকচ কৰি আমেৰিকাই আন্তর্জাতিক আইন উলংঘন কৰাৰ অভিযোগ উত্থাপন কৰিছে। ইৰানৰ সংসদে আমেৰিকা আৰু ইজৰাইলৰ সংঘাতৰ প্ৰতিবাদত আইএইএৰ সৈতে সহযোগিতা স্থগিত ৰখাৰ সিদ্ধান্ত গ্রহণ কৰিছে।

সমালোচকসকল, বিশেষকৈ ডেম'ক্রেটসকলে, ইৰানৰ পাৰমাণৱিক ক্ষমতা ধ্বংস কৰা বুলি ট্রাম্পে উত্থাপন কৰা দাবীৰ বিৰুদ্ধে প্রশ্ন উত্থাপন কৰিছে।