জানুৱাৰীত পাইকাৰী মূল্য ২.৩১ শতাংশ লৈ হ্ৰাস...

ডিজিটেল ডেস্ক : সতেজ খাদ্য সামগ্ৰীৰ আগমণে হ্ৰাস কৰিছে দেশৰ পাইকাৰী মূল্য। শুকুৰবাৰে বাণিজ্য আৰু উদ্যোগ মন্ত্ৰালয়ে প্ৰকাশ কৰা তথ্য অনুসৰি ভাৰতৰ পাইকাৰী মূল্য সূচকাংকভিত্তিক ডিচেম্বৰত ২.৩৭%ৰ পৰা জানুৱাৰীত ২.৩১% লৈ হ্ৰাস পাইছে।

অৰ্থনীতিবিদসকলে চলোৱা সমীক্ষা অনুসৰি জানুৱাৰীত পাইকাৰী মূল্য প্ৰায় ২.৫% বৃদ্ধিৰ আশা কৰিছিল কিন্তু দেশৰ বজাৰত সতেজ খাদ্য সামগ্ৰীৰ আগমণে ইয়াৰ পৰিমাণ হ্ৰাস কৰিলে। উল্লেখযোগ্য যে বছৰৰ পিছত বছৰ ধৰি শাক-পাচলিৰ মূল্য ৮.৩৫% লৈ বৃদ্ধি পাইছে যদিও পূৰ্বৰ মাহত ২৮.৬৫% বৃদ্ধিৰ তুলনাত হ্ৰাস পাইছিল।

লক্ষ্যণীয়ভাৱে জানুৱাৰীত শস্যৰ মূল্য ৭.৩৩% লৈ বৃদ্ধি পাইছিল। যিটো ডিচেম্বৰ মাহত ৬.৮২% আছিল। একেদৰে ডিচেম্বৰত দাইলৰ মূল্য ৫.০২%ৰ পৰা জানুৱাৰীত সামান্য বৃদ্ধি পাই ৫.০৮% হৈছিল বুলি সমীক্ষাত উল্লেখ কৰে।