/asomiyapratidin/media/media_files/2025/07/25/batadraba-2025-07-25-21-39-36.jpg)
ডিজিটেল সংবাদ, বটদ্ৰৱা : বিগত বছৰ ধৰি মহাপুৰুষ শ্ৰীমন্ত শংকৰদেৱৰ জন্মস্থান বটদ্ৰৱা থান পৰিচালনা সমিতিৰ অবাঞ্চিত পৰিস্থিতিৰ হেতু বটদ্ৰৱা থান পৰিচালনাৰ ক্ষেত্ৰত বহু অসুবিধা সৃষ্টি হৈছে। আগন্তুক দিনত থান পৰিচালনাৰ বাবে আৰ্থিক লেন-দেন, আগন্তক তথা পবিত্ৰ ভাদ মাহৰ বিভিন্ন সাংস্কৃতিক আৰু পৰম্পৰাগত তিথি মহোৎসৱ আদি বিভিন্ন বিষয় সুকলমে পৰিচালনা কৰাৰ স্বাৰ্থত নগাঁও জিলা আয়ুক্ত দেৱাশীষ শৰ্মাৰ অনুমতি গ্ৰহণ কৰি কাইলৈ তথা ২৬ জুলাইত এখনি সাধাৰণ সভা আহ্বান কৰা হৈছিল।
কিন্তু নগাঁও জিলা প্ৰশাসনৰ তাৎক্ষণিক নিৰ্দেশ পালন কৰি কাইলৈ তথা ২৬ জুলাইত অনুষ্ঠিত হ'বলগীয়া সাধাৰণ সভাখনি স্থগিত ৰখা হৈছে। সভাৰ অন্যতম আহ্বায়ক গনেশ বৰাই এক বিজ্ঞপ্তিৰ দ্বাৰা ৰাজ্যৰ বিভিন্ন প্ৰান্তত থকা বটদ্ৰৱা থানৰ আজীৱন আৰু সত্ৰীয়া সদস্যসকলক এই বাতৰিৰ যোগেদি সাধাৰণ সভাখনি স্থগিতৰ বিষয়ে জানিবলৈ দিয়ে।