বহু জল্পনাৰ অন্তত গঠন হ'ল দৰং জিলা পৰিষদ

ডিজিটেল সংবাদ, মঙলদৈ : অৱশেষত গঠন হ’ল দৰং জিলা পৰিষদ। মঙলবাৰে গঠন কৰা হয় জিলা পৰিষদখন। এই অনুসৰি সভাপতি হিচাপে নিৰ্বাচিত হয় হাউলী জিলা পৰিষদ সমষ্টিৰ সদস্যা শেৱালী গোস্বামী কলিতা ৷ একেদৰে উপ-সভাপতি হিচাপে নিৰ্বাচিত হয় কুৰুৱা- হাজৰিকাপাৰা জিলা পৰিষদ সমষ্টিৰ সদস্যা পৰিস্মিতা নাথ ৷

উল্লেখযোগ্য যে, দৰং জিলা পৰিষদৰ দুয়োখন আসন মহিলাৰ বাবে সংৰক্ষিত আছিল ৷ ১২খন আসন থকা দৰং জিলা পৰিষদৰ ৬ খন বিজেপি, ১ খন অগপ, ৪ খন কংগ্ৰেছ আৰু ১ খন আসন ৰাইজৰ দলে লাভ কৰিছিল ৷

মঙ্গলবাৰে আনুষ্ঠানিক শপত গ্ৰহণৰ পিছতে সভাপতি হিচাপে বিজেপি দলৰ পৰা শেৱালী গোস্বামী কলিতা আৰু উপ-সভাপতি হিচাপে পৰিস্মিতা নাথৰ নাম প্ৰস্তাৱ কৰাৰ বিপৰীতে কংগ্ৰেছে সভাপতি হিচাপে মুক্তা দেৱী মণ্ডলক আৰু উপ-সভাপতি হিচাপে নিলোৱাৰা ইয়াচমিন প্ৰস্তাৱ কৰে যদিও গোপন ভোটত বিজেপিয়ে ৭ টাকৈ কংগ্ৰেছে ৪ টাকৈ আৰু এটা ভোট বাঢ়ে। শেষত সভাপতি হিচাপে শেৱালী গোস্বামী কলিতা আৰু উপ-সভাপতি হিচাপে পৰিস্মিতা নাথ নিৰ্বাচিত হয়।