কামপুৰৰ বুকলুং গাঁৱৰ ৰাইজৰ প্ৰশংসনীয় পদক্ষেপ

ডিজিটেল সংবাদ, কামপুৰ : সমগ্ৰ অসমতে উচ্চেদ অভিযান চলি থকাৰ সময়তে নগাঁও জিলাৰ কামপুৰৰ এখন মুছলমান গাঁৱৰ ৰাইজে লৈছে বিশেষ পদক্ষেপ। কামপুৰ ৰাজহচক্ৰৰ অন্তৰ্গত কঠীয়াতলী মৌজাৰ বুকলুং গাঁৱৰ মচজিদ সমিতি আৰু স্থানীয় ৰাইজে লৈছে এক বিশেষ পদক্ষেপ।

গাঁওখনলৈ সোমাই যোৱা পথত আঁৰি থৈছে এখন বিশেষ বেনাৰ। উল্লেখ্য যে সমগ্ৰ ৰাজ্যত উচ্চেদ চলি থকাৰ সময়তে একাংশ উচ্চেদিত লোকে আশ্ৰয় লৈছে ৰাজ্যৰ বিভিন্ন গ্ৰাম্য অঞ্চলত। এনে সময়তে এশ শতাংশ মুছলমান লোকে বাস কৰা গাঁওখনৰ লোক সকলে এখন বেনাৰ আঁৰি দি সেই গাঁওখনত উচ্চেদিত লোকক প্ৰৱেশ নিষেধ কৰিছে।

বেনাৰখনত লিখা আছে "উচ্চেদ অভিযানৰ কোনো ব্যক্তিয়ে আহি যাতে গাঁৱত প্ৰৱেশ নকৰে। যদি কৰে প্ৰশাসনে উচিত ব্যৱস্থা কৰিব। বুধবাৰে বিয়লি নামাজ কৰি সাংবাদিকৰ আগত উচ্চেদিত বিৰুদ্ধে লোৱা পদক্ষেপৰ বিষয়ে অৱগত কৰে ৰাইজে। 

গাঁওখনত কোনো কাৰণতে সন্দেহযুক্ত লোকক প্ৰৱেশ কৰিব দিয়া নহ’ব বুলি ৰাইজে দৃঢ়তাৰে প্ৰকাশ কৰে। চৰকাৰে চলোৱা উচ্চেদ অভিযানক সমৰ্থন কৰি কয় যে, কোনো সন্দেহযুক্ত লোক গাঁৱত প্ৰৱেশ কৰিলে প্ৰশাসনৰ জৰিয়তে কঠোৰ ব্যৱস্থা লোৱা হ’ব।