শিশু সাহিত্যিক দুৰ্লভ বুঢ়াগোহাঁইৰ মৃত্যুত চৰাইদেউ প্ৰেছ ক্লাবৰ শোক প্ৰকাশ

ডিজিটেল সংবাদ,চৰাইদেউ : শিৱসাগৰ জিলা সাহিত্য সভাৰ প্ৰাক্তন সভাপতি, গড়গাঁও মহাবিদ্যালয়ৰ অসমীয়া বিভাগৰ অৱসৰপ্ৰাপ্ত মুৰব্বী অধ্যাপক তথা  জ্যেষ্ঠ সাংবাদিক, গল্পকাৰ, শিশু সাহিত্যিক, সুবক্তা দুৰ্লভ বুঢ়াগোঁহাই মৃত্যুত গভীৰ শোক প্ৰকাশ কৰিছে চৰাইদেউ প্ৰেছ ক্লাবে ।

এক শোকবাৰ্তাত ক্লাবৰ সভাপতি-সম্পাদক ক্ৰমে ধ্ৰুৱজ্যোতি বৰুৱা আৰু সম্পাদক প্ৰণৱ বৰগোহাঁয়ে বৰ্ষীয়ান সাংবাদিক দুৰ্লভ বুঢ়াগোহাঁইয়ে অধ্যাপনাৰ সমান্তৰালকৈ সাহিত্য চৰ্চা জৰিয়তে শিশু উপযোগী ভালেসংখ্যক ৰচনাৰে ভাষা - সাহিত্যক সমৃদ্ধ কৰা বুলি উল্লেখ কৰে। অসমীয়া শিশু সাহিত্যলৈ  অনবদ্য অৱদান আগবঢ়া  থৈ যোৱা এনে এগৰাকী প্ৰথিতযশা সাহিত্যিক-সাংবাদিক  মৃত্যুত  সমাজৰ বাবে বৃহৎ অপূৰণীয় ক্ষতি বুলি চৰাইদেউ প্ৰেছ ক্লাবে মন্তব্য কৰে ৷