শোণিতপুৰৰ বালিপৰাত গ্ৰীষ্মকালীন কৰ্মশালা

ডিজিটেল সংবাদ, জামুগুৰিহাটঃ শোণিতপুৰৰ নদুৱাৰ সমষ্টিৰ অন্তৰ্গত বালিপৰাৰ অমিয় ভৱনত অনুষ্ঠিত হৈছে গ্ৰীষ্মকালীন কৰ্মশালা। অসম চৰকাৰৰ সাংস্কৃতিক পৰিক্ৰমা বিভাগৰ উদ্যোগত আৰু শোণিতপুৰ জিলা প্ৰশাসনৰ সহযোগত নদুৱাৰ বিধান সভা সমষ্টিটোত অনুষ্ঠিত কৰা হৈছে সত্ৰীয়া নৃত্য আৰু মাটি আখৰা আধাৰত এই কৰ্মশালা।

উক্ত কৰ্মশালাখনিত অঞ্চলটিৰ বহু সংখ্যক কণ-কণ শিশু আৰু কিশোৰ কিশোৰীয়ে অংশগ্ৰহণ কৰে। কৰ্মশালাখনিত প্ৰশিক্ষক হিচাপে অংশগ্ৰহণ কৰে নীলাক্ষী বৰাৰ লগতে কেইবাগৰাকীও প্ৰশিক্ষকে।