/asomiyapratidin/media/media_files/2025/07/27/ap-for-web-kampur-2025-07-27-21-31-57.jpg)
ডিজিটেল সংবাদ, কামপুৰ : শ্ৰীমন্ত শঙ্কৰদেৱ সংঘ কামপুৰ জিলা শাখাৰ সংস্কৃতি শাখা সমিতি আৰু শংকৰী সংগীত বিদ্যালয়ৰ উদ্যোগত ১৬জুলাইৰ পৰা ২৫ লৈ অনুষ্ঠিত হোৱা শংকৰী সংগীতৰ দহদিনীয়া কৰ্মশালাৰ সামৰণি অনুষ্ঠান আৰু কামপুৰ শংকৰী সংগীত বিদ্যালয়ৰ দ্বি- বাৰ্ষিক প্ৰতিষ্ঠা দিৱস ভাগ দিনজোৰা কাৰ্যসূচীৰে দেওবাৰে নামঘৰত উদযাপন কৰা হয়। পুৱা নাম-প্ৰসংগৰ পাছতেই দহদিনীয়া কৰ্মশালা আৰু শংকৰী সংগীত বিদ্যালয়ৰ প্ৰতিষ্ঠা দিৱস উপলক্ষে বিদ্যালয়ৰ ছাত্ৰ ছাত্ৰী আৰু অভিভাৱকসকল,প্ৰশিক্ষাৰ্থীসকলৰ উপস্থিতিত এভাগ সভা অনুষ্ঠিত হয়।
জিলা সংস্কৃতি শাখাৰ সভাপতি গোলাপ গোহাঁই বাপৰ সভাপতিত্বত অনুষ্ঠিত হোৱা সভাত জিলা শাখাৰ সভাপতি, সম্পাদক, শ্ৰীমন্ত শংকৰদেৱ সংঘৰ সংস্কৃতি শাখাৰ সভাপতি অলিম মহন্ত বাপ,শংকৰী সংগীত বিদ্যালয়ৰ অধ্যক্ষ, জিলা শাখাৰ বিষয় ববীয়া, সদস্য সকলৰ লগতে দাহদিনীয়া শংকৰী সংগীতৰ প্ৰশিক্ষণ কৰ্মশালাৰ মুখ্য প্ৰশিক্ষক তথা সংঘৰ কেন্দ্ৰীয় নাট্যদলৰ সদস্য অনিত্য ভূঞা বাপৰ লগতে স্থানীয় প্ৰশিক্ষক সকল উপস্থিত থাকে। উল্লেখযোগ্য যে সভাৰ অন্তত কৰ্মশালা ভাগত অংশগ্ৰহণ কৰা ৭০ গৰাকী প্ৰশিক্ষাৰ্থীয়ে দহদিনীয়া কৰ্মশালাত শিকা গীত , বাদ্য আৰু নৃত্যৰ ওপৰত তেওঁলোকৰ প্ৰদৰ্শন দাঙি ধৰে।