ডকমকাত কাৰ্বি আংলং জিলা আপকু'ৰ পঞ্চম দ্বি - বাৰ্ষিক অধিৱেশনৰ সফল সামৰণি

ডিজিটেল সংবাদ, হাওৰাঘাট : আসাম প্ৰেছ ক'ৰেছপণ্ডেণ্টছ ইউনিয়ন চমুকৈ আপকু'ৰ কাৰ্বি আংলং জিলা সমিতিৰ পঞ্চম দ্বি - বাৰ্ষিক অধিৱেশনখনি ডকমকা নগৰস্থিত লংকাম টেৰণ সোঁৱৰণী প্ৰেক্ষাগৃহত শনিবাৰে এদিনীয়াকৈ অনুষ্ঠিত কৰা কাৰ্যসূচীৰ সফল সামৰণি পৰিছে । কাৰ্যসূচী অনুসৰি সিদিনা পুৱা ৯-০০ বজাত পতাকা উত্তোলন কৰে আপকু'ৰ কাৰ্বি আংলং জিলা সমিতিৰ সভাপতি দিগন্ত মহন্তই ।

ইয়াৰ পিছতে ছহিদ তৰ্পণ কৰে মুখ্য তৰ্পক লাংহিন নগৰৰ গৰৈমাৰী গাঁৱৰ বাসিন্দা ছহিদ সাংবাদিক মাণিক দেউৰীৰ ভগ্নী চিলা দেউৰীয়ে । ইয়াৰ পিছতে ছহিদ তৰ্পণ কৰে ক্ৰমে আপকু'ৰ কাৰ্বি আংলং জিলা সমিতিৰ কাৰ্যকৰী সভাপতি লংকিৰাম টেৰণ, উপ সভাপতি ছেমছিং ইংতি আৰু সম্পাদক বীৰেন গোৱালাই ।

পুৱা ১০.৩০ বজাত অনুষ্ঠিত কৰা হয় অন্তিমখন কাৰ্যনিৰ্বাহক সভা । আনহাতে পুৱা ১১-০০ বজাত অনুষ্ঠিত কৰা হয় প্ৰতিনিধি সভা আৰু বিষয় বাচনি সভা ।

প্ৰতিনিধি সভাৰ দ্বাৰ মুকলি কৰে আপকু'ৰ কেন্দ্ৰীয় সদস্য খৰছিং ৰংফাৰে । সভাখন উদ্বোধন কৰে আপকু'ৰ কেন্দ্ৰীয় সমিতিৰ সাংগঠনিক সম্পাদক ৰবীন বৰুৱাই । সভাত সভাপতিত্ব কৰে আপকু'ৰ কাৰ্বি আংলং জিলা সমিতিৰ সভাপতি দিগন্ত মহন্তই ।

এই সভাতে পুৰণা সমিতিখন ভংগ কৰি কাৰ্বি আংলং জিলা সমিতিৰ আপকু'ৰ নতুন সমিতিখন উপস্থিত সংবাদ প্ৰতিনিধি আৰু কেন্দ্ৰীয় সমিতিয়ে প্ৰেৰণ কৰা তিনি গৰাকীকৈ পৰ্যবেক্ষক ক্ৰমে তুলসী চুতীয়া, হেমন্ত মহন্ত আৰু স্বপন চক্ৰৱৰ্তী উপস্থিত থাকে ।  কাৰ্বি আংলং জিলা সমিতিৰ আপকু'ৰ নতুনকৈ গঠন কৰা সমিতিৰ নতুন কাৰ্যকৰী সমিতিখন হৈছে ক্ৰমে খৰছিং ৰংফাৰ আৰু দিগন্ত মহন্তক কেন্দ্ৰীয় সদস্য,ৰবীন বৰুৱা আৰু দিগন্ত মহন্তক উপদেষ্টা, ছামছিং ক্ৰ'ক সভাপতি, ছেমছিং ইংতিক কাৰ্যকৰী সভাপতি, বীৰেন গোৱালাক উপ-সভাপতি, ধৰ্মেন্দ্ৰ খাখলাৰীক সম্পাদক, সৌৰভ দাস আৰু নেত্ৰকমল শৰ্মাক সহকাৰী সম্পাদক, লংকিৰাম টেৰণক কোষাধ্যক্ষ, ছাৰছিং ৰংপিক সাংগঠনিক সম্পাদক, নৰেন হাজৰিকাক পত্ৰিকা সম্পাদক আৰু সদস্য হিচাপে ক্ৰমে লংবামন ইংতি, ৰাজু কাঠাৰ, মিজুৰাম হাঞ্চে, পংকজ ডেকা, নাৰায়ণ বৰুৱা আৰু ৰত্নকান্ত পাঠকক নিৰ্বাচিত কৰা হয় ।