বটদ্ৰৱাৰ কদমনিত ভয়ংকৰ পথ দুৰ্ঘটনাত প্ৰাণ গ’ল ছাত্ৰৰ

ডিজিটেল সংবাদ, বটদ্ৰৱা : বটদ্ৰৱাৰ কদমনিত সংঘটিত হৈছে এক ভয়ংকৰ দুৰ্ঘটনা। এই দুৰ্ঘটনাত বিদ্যালয়ৰ পৰা নিজ গৃহলৈ ওভতাৰ পথত নিহত হয় এজন ছাত্ৰ। 

ঘটনাৰ বিবৰণী অনুসৰি, নগাঁৱৰ পৰা ধিং অভিমুখে তীব্ৰ গতিৰে গৈ থকা AS 02 AN 9744 নম্বৰৰ বিলাসী বাহনে মহতিয়াই নিয়ে ছাত্ৰজনক। মৃত ছাত্ৰজন কদমনি পথাৰ এম ই স্কুলৰ অষ্টম শ্ৰেণীৰ জোনাইদ আলম বুলি জানিব পৰা গৈছে। 

জানিব পৰা মতে ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে নগাঁৱলৈ প্ৰেৰণ কৰে। ইফালে দুৰ্ঘটনা সংঘটিত কৰিয়েই গাড়ীৰ ড্ৰাইভাৰজন পলায়ন কৰে।