স্বীকৃতিপ্ৰাপ্ত ষ্টাৰ্টআপৰ অধীনত ৫৫টা উদ্যোগত ১৬.৬ লাখকৈ চাকৰিৰ সৃষ্টি

ডিজিটেল ডেস্কঃ ভাৰত চৰকাৰৰ ষ্টাৰ্টআপ ইণ্ডিয়াৰ পদক্ষেপৰ অধীনত স্বীকৃতিপ্ৰাপ্ত ষ্টাৰ্টআপসমূহে ৫৫টাকৈ উদ্যোগত ১৬.৬ লাখৰো অধিক প্ৰত্যক্ষ চাকৰিৰ সৃষ্টি কৰিছে। এই তথ্য প্ৰকাশ কৰিছে উদ্যোগ আৰু আভ্যন্তৰীণ বাণিজ্যৰ প্ৰসাৰ বিভাগে ।

এই ষ্টাৰ্টআপসমূহে ভাৰতৰ কৰ্মশক্তিক শক্তিশালী কৰাৰ লগতে উদ্ভাৱন আৰু অৰ্থনৈতিক বৃদ্ধিৰ ক্ষেত্ৰত যথেষ্ট সহায় কৰিছে। চলিত বৰ্ষৰ ৩১ অক্টোবৰলৈ ষ্টাৰ্ট আপ উদ্যোগৰ দ্বাৰা চাকৰি সৃষ্টি হোৱা বিভিন্ন ক্ষেত্ৰ সমূহ হ’ল -

১/ আই টি সেৱাঃ ২,০৪,১১৯ টা চাকৰি

২/ স্বাস্থ্যসেৱা আৰু জীৱন বিজ্ঞান: ১,৪৭,৬৩৯ টা চাকৰি

৩/ নিৰ্মাণ: ৮৮,৭০২ টা চাকৰি

৪/ শিক্ষাঃ ৯০,৪১৪ টা চাকৰি

৫/ খাদ্য আৰু পানীয়: ৮৮,৪৬৮ টা চাকৰি

৬) বিত্ত প্ৰযুক্তিঃ ৫৬,৮১৯ টা চাকৰি

ভাৰতে জি-২০ৰ সভাপতিত্বত ষ্টাৰ্টআপ২০ এংগেজমেণ্ট গ্ৰুপৰ দৰে পদক্ষেপৰ জৰিয়তেও বিশ্বব্যাপী ষ্টাৰ্টআপ সহযোগিতাৰ ওপৰত গুৰুত্ব আৰোপ কৰিছে। এই গোটে সীমা অতিক্ৰম কৰি অইন দেশৰ লগত অংশীদাৰিত্ব বৃদ্ধি কৰিছে । লগতে ভাৰতীয় ষ্টাৰ্টআপসমূহক বিশ্বৰ বজাৰ আৰু সম্পদসমূহৰ ব্যৱহাৰৰ সুযোগ দিয়ে ।

ইয়াৰ পৰিসৰ বৃদ্ধিৰ বাবে চৰকাৰে উত্তৰ-পূবত ষ্টাৰ্টআপ মহাকুম্ভ আৰু এ এছ চি এন ডি কৰ্মশালাৰ দৰে সামৰ্থ্য-নিৰ্মাণ কৰ্মশালা আৰু পৰিৱেশ তন্ত্ৰ উন্নয়নৰ অনুষ্ঠানৰ আয়োজন কৰিছে। এই অনুষ্ঠানসমূহে তৃণমূল পৰ্যায়ৰ উদ্ভাৱনক উৎসাহিত কৰে আৰু সমগ্ৰ ভাৰতৰ উদ্যোগীসকলক পুঁজি, মেণ্টৰশ্বিপ, আৰু ব্যৱসায়িক সংযোগ প্ৰদান কৰে।