ভাৰতত ষ্টাৰ্টআপে সৃষ্টি কৰিছে ১৬লাখ চাকৰি...

ডিজিটেল ডেস্কঃ  ভাৰতত ষ্টাৰ্টআপে সৃষ্টি কৰিছে ১৬লাখ চাকৰি। কেন্দ্ৰীয় চৰকাৰে সদৰি কৰা তথ্য অনুসৰি, সমগ্ৰ দেশতে ষ্টাৰ্টআপে ১৬ লাখতকৈ অধিক চাকৰিৰ সৃষ্টি কৰিছে। উদ্যোগ আৰু আভ্যন্তৰীণ বাণিজ্য প্ৰসাৰ বিভাগে ( ডিপিআইআইটি ) ১.৫৭ লাখ ষ্টাৰ্টআপক স্বীকৃতি দিছে। 

শেহতীয়াকৈ কেন্দ্ৰীয় চৰকাৰে সদৰি কৰা তথ্যত , “ষ্টাৰ্টআপে সমগ্ৰ দেশতে ১৬ লাখতকৈ অধিক চাকৰিৰ সৃষ্টি কৰিছে, যিয়ে উল্লেখযোগ্য নিয়োগ সৃষ্টিকাৰী হিচাপে নিজৰ ভূমিকা প্ৰদৰ্শন কৰিছে।”

কেন্দ্ৰ মতে, সুলভ মূল্যৰ ইণ্টাৰনেটৰ ব্যাপক উপলব্ধতাৰ লগতে যুৱ আৰু গতিশীল কৰ্মশক্তিয়ে ফিনটেক, এডটেক, হেল্থ-টেক, ই-কমাৰ্চকে ধৰি বিভিন্ন খণ্ডৰ ষ্টাৰ্টআপৰ বৃদ্ধিত ইন্ধন যোগাইছে।

বিশ্বৰ আগশাৰীৰ ষ্টাৰ্টআপ ইক’চিষ্টেম হোৱাৰ দিশত ভাৰতৰ যাত্ৰা জনগাঁথনিগত, অৰ্থনৈতিক আৰু নীতিগত কাৰকৰ সমন্বয়ৰ দ্বাৰা পৰিচালিত বুলি কোৱা হৈছে। ভাৰত বিশ্বজুৰি অন্যতম সজীৱ ষ্টাৰ্টআপ পৰিৱেশ তন্ত্ৰ হিচাপে আত্মপ্ৰকাশ কৰিছে, তৃতীয় বৃহত্তম ষ্টাৰ্টআপ হাব হিচাপে নিজৰ স্থান অৰ্জন কৰিছে,” লগতে কয় যে ১০০ৰো অধিক ইউনিকৰ্ণৰ সৈতে ভাৰতীয় ষ্টাৰ্টআপৰ পৰিৱেশে উদ্ভাৱন আৰু উদ্যোগীকৰণৰ ভৱিষ্যত গঢ় দিছে।