/asomiyapratidin/media/media_files/2025/07/29/bng-2025-07-29-08-22-35.jpg)
ডিজিটেল সংবাদ, শিলচৰঃ বৰাক উপত্যকাত অবৈধ বাংলাদেশীৰ বিৰুদ্ধে অব্যাহত আছে আৰক্ষীৰ অভিযান। সীমান্ত সূৰক্ষা বাহিনীৰ চকুত ধূলি দি অবৈধভাৱে ভাৰতত প্ৰৱেশ কৰা ২০ গৰাকী বাংলাদেশীক আটক কৰে শ্ৰীভূমি আৰক্ষীয়ে। জিলাখনৰ বিভিন্ন স্থানত আটক কৰা এই বাংলাদেশী কেইজনক অৱশেষত সোমবাৰে স্ব-গৃহ বাংলাদেশলৈ ওভতাই পঠিওৱা হয়। বাংলাদেশী কেইজনৰ ভিতৰত কেইবাটাও শিশু, কিশোৰী আৰু মহিলাও আছে।
ইফালে, বাংলাদেশী কেইজনক তেওঁলোকৰ বাংলাদেশলৈ ওভতাই পঠিওৱা বিষয়টো নিশ্চিত কৰিছে মুখ্যমন্ত্ৰী ড০ হিমন্ত বিশ্ব শৰ্মাই। মুখ্যমন্ত্ৰীগৰাকীয়ে সামাজিক মাধ্যমৰ জৰিয়তে বাংলাদেশী কেইজনৰ ফটো আপলোড কৰি সদৰি কৰে যে, "অবৈধ বিদেশীয়ে ৰাজ্যৰ জনগাঁথনি সলনি কৰিবলৈ কৰা অপচেষ্টাৰ বিৰুদ্ধে আমি সদায় সজাগতাৰে কাম কৰি আহিছোঁ। আজিও (সোমবাৰে ) অসম আৰক্ষীয়ে শ্রীভূমি জিলাৰ পৰা ২০গৰাকীকৈ অনুপ্রৱেশকাৰীক তেওঁলোকৰ নিজ দেশ বাংলাদেশলৈ ওভতাই পঠাইছে। আজিৰ অসমত যিকোনো প্রেক্ষাপটতে অবৈধ নাগৰিকক ৰাজ্যত প্রশ্ৰয় দিয়া নহ’ব, সেই উদ্দেশ্যৰে আমাৰ অভিযান চলি থাকিব নিৰন্তৰে" বুলিও মন্তব্য কৰে মুখ্যমন্ত্ৰীয়ে।