চিলাপথাৰত আছুৰ উদ্যোগত বিশেষ অভিনন্দন অনুষ্ঠান

ডিজিটেল সংবাদ, চিলাপথাৰঃ বিগত বৰ্ষৰ দৰে এইবাৰো অহা ২৮ জুলাইত চিলাপথাৰ আঞ্চলিক ছাত্র সন্থাৰ উদ্যোগত অনুষ্ঠিত হ'ব এক বিশেষ অভিনন্দন অনুষ্ঠান। চিলাপথাৰ বিজ্ঞান মহাবিদ্যালয়ৰ প্ৰেক্ষাগৃহত অনুষ্ঠিত হ'ব লগা অনুষ্ঠানত সদ্যঘোষিত মেট্ৰিক আৰু হায়াৰ চেকেণ্ডেৰী চূড়ান্ত বৰ্ষৰ পৰীক্ষাত বিশেষ সাফল্য লাভ কৰা পৰীক্ষাৰ্থী সকলক অভিনন্দন জনোৱা হব। 

অঞ্চলটোৰ বহু বিশিষ্ট শিক্ষাবিদ, সমাজকৰ্মী, সংগঠনৰ নেতৃস্থানীয় লোকে এই অনুষ্ঠানত অংশগ্ৰহণ কৰিব। উক্ত অনুষ্ঠানত সকলোকে উপস্থিত থাকিবলৈ চিলাপথাৰ আঞ্চলিক ছাত্ৰ সন্থাৰ ভাৰপ্ৰাপ্ত সভাপতি ৰঞ্জন গোহাঁই আৰু সাধাৰণ সম্পাদক ৰাহুল গগৈয়ে আহ্বান জনাইছে।