বকোত কেন্দ্ৰীয় মন্ত্ৰী সৰ্বানন্দ সোণোৱালক সম্বৰ্ধনা...

ৰাইজে মন্ত্ৰীগৰাকীক ফুলাম জাপি, গামোছা , আৰনাই আদিৰে সম্বৰ্ধনা জনায়
sarbananda sonowal at boko
sarbananda sonowal at boko

ডিজিটেল সংবাদ,বকোঃ কামৰূপ জিলাৰ বকোত দেওবাৰে কেন্দ্ৰীয় মন্ত্ৰী তথা ৰাজ্যৰ প্ৰাক্তন মুখ্যমন্ত্ৰী সৰ্বানন্দ সোণোৱালক উষ্ম আদৰণি জনায় । কেন্দ্ৰীয় মন্ত্ৰী সোণোৱালে বঙাইগাঁৰ পৰা গুৱাহাটী অভিমুখে আহি থকা বুলি গম পাই বি জে পি দলৰ একাংশ নেতা-কৰ্মী আৰু ৰাইজে গোৱালপাৰা জিলাৰ ধূপধৰাৰ সমীপতে থকা বকো শাখাত সম্বৰ্ধনা জনোৱাৰ বাবে ৰৈ থাকে ।

সন্ধিয়া প্ৰায় ৭.৩০ বজাত মন্ত্ৰীগৰাকী শাখা আহি পায় । বি জে পি দলৰ নেতা-কৰ্মীৰ লগতে ৰাইজে মন্ত্ৰীগৰাকীক ফুলাম জাপি, গামোছা , আৰনাই আদিৰে সম্বৰ্ধনা জনায় । মন্ত্ৰীগৰাকীয়ে দলীয় নেতা-কৰ্মী আৰু ৰাইজৰ সৈতে মতবিনিময় কৰাৰ উপৰিও শাখাস্থিত থলগিৰী নামৰ হোটেলখনত আহাৰ গ্ৰহণ কৰে ।

Related Stories

No stories found.
Asomiya Pratidin
www.asomiyapratidin.in