বিশ্ব পৰিস্থিতি জটিলতাৰ মাজত চীনৰ সৈতে মুকলি আলোচনাৰ আহ্বান এছ জয়শংকৰৰ

ডিজিটেল ডেস্কঃ  বৈদেশিক পৰিক্ৰমা মন্ত্ৰী এছ জয়শংকৰে আজি চীনৰ উপ-ৰাষ্ট্ৰপতি হান ঝেঙক সাক্ষাৎ কৰে। তেওঁ ভাৰত-চীনৰ সম্পৰ্ক স্বাভাৱিক কৰাৰ প্ৰয়োজনীয়তাৰ ওপৰত অহৰহ গুৰুত্ব আৰোপ কৰি আহিছে। এছ জয়শংকৰৰ এই ভ্ৰমণ বিশেষভাৱে গুৰুত্বপূৰ্ণ বুলি বিবেচিত হৈছে, কিয়নো ২০২০ চনত পূব লাডাখৰ নিয়ন্ত্ৰণ ৰেখাত সামৰিক ষ্টেণ্ডঅফৰ পিছত এইটোৱেই তেওঁৰ প্ৰথম চীন ভ্ৰমণ।

লক্ষ্যণীয় যে, চাংহাই সহযোগিতা সংস্থাৰ বৈদেশিক মন্ত্ৰীসকলৰ সৈতে চীনত আলোচনাত মিলিত হ'ব বৈদেশিক মন্ত্ৰী এছ জয়শংকৰ। এক বিবৃতিত তেওঁ কয় যে, বৰ্তমানৰ পৰিস্থিতিত ভাৰত আৰু চীনৰ সম্পৰ্ক স্বাভাৱিক হোৱাটো অতি প্ৰয়োজন।

বেইজিঙত উপস্থিত হোৱাৰ পাছত বৈদেশিক মন্ত্ৰীগৰাকীয়ে হান ঝেঙক সাক্ষাৎ কৰি ইয়াক লৈ সুখ প্ৰকাশ কৰে। চীনৰ চাংহাই সহযোগিতা সংস্থা (SCO)ৰ অধ্যক্ষতাত ভাৰতৰ সমৰ্থন পুনৰ দৃঢ় কৰে এছ জয়শংকৰে। লগতে হান ঝেঙৰ সৈতে হোৱা বৈঠকত জয়শংকৰে চীনৰ চাংহাই সহযোগিতা সংস্থাৰ সভাপতিত্বৰ প্ৰতি ভাৰতৰ সমৰ্থন প্ৰকাশ কৰে।

নিজ এক্স হেণ্ডেলৰ এটা পোষ্টত জয়শংকৰে কয়, "আজি বেইজিঙত উপস্থিত হোৱাৰ পিছত উপ-ৰাষ্ট্ৰপতি হান ঝেঙক সাক্ষাৎ কৰি আনন্দিত হৈছো। চীনৰ এছ চি অ'ৰ ৰাষ্ট্ৰপতিত্বৰ প্ৰতি ভাৰতৰ সমৰ্থন প্ৰকাশ কৰিলো। যেতিয়া দুয়োখন দেশৰ বৈঠক হয়, তেতিয়া এই সময়ত আন্তঃৰাষ্ট্ৰীয় পৰিস্থিতি অত্যন্ত জটিল। এনে পৰিস্থিতিত চুবুৰীয়া দেশ আৰু প্ৰধান অৰ্থনীতি হিচাপে ভাৰত আৰু চীনৰ মাজত মত আৰু দৃষ্টিভংগীৰ মুকলি আদান-প্ৰদান অত্যন্ত গুৰুত্বপূৰ্ণ।

তেওঁ কয় যে, ভাৰতে চীনৰ এছ চি অ’ৰ অধ্যক্ষ পদৰ সফলতাক সমৰ্থন কৰে আৰু বিগত অক্টোবৰ মাহত কাজানত প্ৰধানমন্ত্ৰী মোডী আৰু ৰাষ্ট্ৰপতি ছি জিনপিঙৰ বৈঠকৰ পাছৰে পৰা আমাৰ দ্বিপাক্ষিক সম্পৰ্ক ধাৰাবাহিকভাৱে উন্নত হৈছে বুলি মই বিশ্বাস কৰো। জয়শংকৰে উল্লেখ কৰে যে ভাৰত আৰু চীনৰ কূটনৈতিক সম্পৰ্কৰ ৭৫ বছৰ সম্পূৰ্ণ হৈছে।

উল্লেখ্য যে, জয়শংকৰে ১৫ জুলাইত টিয়ানজিনত অনুষ্ঠিত হ’বলগীয়া চাংহাই সহযোগিতা সংস্থাৰ বৈদেশিক মন্ত্ৰীসকলৰ বৈঠকতো অংশগ্ৰহণ কৰিব। বৈদেশিক পৰিক্ৰমা মন্ত্ৰালয়ে নিশ্চিত কৰিছে যে "টিয়ানজিনত অনুষ্ঠিত হ'বলগীয়া এছচিঅ'ৰ বৈদেশিক মন্ত্ৰী পৰিষদৰ বৈঠকত অংশগ্ৰহণ কৰিবলৈ ইএএম চীন গণৰাজ্য ভ্ৰমণ কৰিব। চিএফএমৰ আঁৰত ইএএমেও দ্বিপাক্ষিক বৈঠক অনুষ্ঠিত কৰিব।"